ప్రతిపక్ష కూటమి పిటిషన్‌లో 14 లోపాలు.. కోర్టు ఫీజులో రూ.220 తక్కువగా చెల్లింపు..
ABN , Publish Date - Oct 13 , 2026 | 07:36 AM
ఓటర్ల జాబితా సవరణ ప్రక్రియపై ఎన్నికల సంఘానికి వ్యతిరేకంగా ఇండియా కూటమి నేతలు దాఖలు చేసిన పిటిషన్‌లో సుప్రీంకోర్టు రిజిస్ట్రీ 14 లోపాలను గుర్తించింది.
ఇంటర్నెట్ డెస్క్: ఓటర్ల జాబితా సవరణ ప్రక్రియపై ఎన్నికల సంఘానికి వ్యతిరేకంగా ఇండియా కూటమి నేతలు దాఖలు చేసిన పిటిషన్‌లో సుప్రీంకోర్టు రిజిస్ట్రీ 14 లోపాలను గుర్తించింది. సంతకాలు లేని న్యాయవాదుల అధికార పత్రాలు, అసంపూర్తి పత్రాలు, స్పష్టత లేని ప్రతులు, కోర్టు ఫీజులో రూ.220 తక్కువగా చెల్లించడం వంటి అంశాలను ప్రస్తావించింది (INDIA bloc SIR petition).
పిటిషన్‌లోని పత్రాలను పరిశీలించిన సుప్రీంకోర్టు రిజిస్ట్రీ పలు అభ్యంతరాలను లేవనెత్తింది. పిటిషనర్లలో తొమ్మిది మందికి సంబంధించిన న్యాయవాదుల అధికార పత్రాలు (వకాలత్‌నామాలు) సమర్పించలేదని, కొన్నింటిపై అవసరమైన సంతకాలు లేవని పేర్కొంది. కాంగ్రెస్ అధ్యక్షుడు మల్లికార్జున ఖర్గే గుర్తింపు కార్డు స్పష్టంగా కనిపించే ప్రతిని సమర్పించాలని సూచించింది. అలాగే కొన్ని అనుబంధ పత్రాల ప్రతులు స్పష్టంగా లేకపోవడం, పేజీల సంఖ్యలో వ్యత్యాసాలు ఉండటం వంటి అంశాలను గుర్తించింది (Court fee shortfall).
పిటిషన్‌లోని ప్రతివాదుల వివరాలు, అనుబంధ పత్రాల తేదీలు, కేసు వివరాలకు సంబంధించిన అంశాలపై కూడా స్పష్టత కోరింది (Supreme Court). పిటిషన్ దాఖలుకు సంబంధించిన కోర్టు ఫీజులో రూ.220 తక్కువగా ఉన్నట్లు రిజిస్ట్రీ గుర్తించింది. పిటిషన్ విచారణకు జాబితాలో చేర్చే ముందు ఈ లోపాలతో పాటు మిగిలిన అభ్యంతరాలను కూడా సరిచేయాల్సి ఉంటుంది. పిటిషన్‌లో రిజిస్ట్రీ గుర్తించిన లోపాలను సరిచేసి, అవసరమైన పత్రాలను సమర్పించాల్సి ఉంటుంది. ఆ తర్వాత పిటిషన్‌ను విచారణకు జాబితాలో చేర్చే ప్రక్రియ ముందుకు సాగుతుంది.
ఈ వార్తలనూ చదవండి...
నెల్లూరులో ఇళ్ల పట్టాలు పంపిణీ చేసిన సీఎం చంద్రబాబు
రాయలసీమ అభివృద్ధి సభలో రాజకీయాలు వద్దు: పవన్ కల్యాణ్
