లిఫ్ట్‌లో పేలిన గ్యాస్ బెలూన్లు.. తృటిలో తప్పిన ప్రమాదం!

ఇంటర్నెట్ డెస్క్: ముంబై(Mumbai) మహానగరంలోని ఒక అపార్ట్‌మెంట్‌లో బుధవారం భారీ ప్రమాదం తప్పింది. గ్యాస్ బెలూన్ల(Gas balloons) కారణంగా లిఫ్టులో ఒక్కసారిగా మంటలు చెలరేగడంతో నివాసితులు భయాందోళనకు గురయ్యారు. లిఫ్ట్ లోపల ఉన్న విద్యుత్ సరఫరా (Power supply) లేదా మరేదైనా వస్తువు తగిలి ఈ పేలుడు జరిగి ఉండవచ్చని ప్రాథమికంగా భావిస్తున్నారు. ఈ ప్రమాదంలో అదృష్టం కొద్దీ ప్రాణపాయం తప్పింది. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.

వీడియోలో ఏముందంటే..

మొదట లిఫ్ట్ లోకి ఓ మహిళ ప్రవేశించింది. ఆ తర్వాత బెలూన్లు పట్టుకొని ఒక వ్యక్తి, అతనితోపాటు మరో వ్యక్తి లిఫ్ట్‌లోకి ప్రవేశించారు. లిఫ్ట్ క్లోజ్ అవుతుండగానే ఒక్కసారిగా బెలూన్లు పేలిపోయి మంటలు వ్యాపించాయి. వెంటనే ముగ్గురు లిఫ్ట్ నుంచి బయటకు పరుగులు తీశారు. ఈ ఘటనలో ఇద్దరికి గాయాలైన‌ట్లు సమాచారం. దీనికి సంబంధించిన దృశ్యాలు సీసీటీవీ (CCTV) కెమెరాలో రికార్డ్ అయ్యాయి. ప్రస్తుతం ఈ వీడియో సోషల్ మీడియాలో వైరల్ అవుతోంది. దీనిపై నెటిజన్లు రకరకాలుగా కామెంట్లు చేస్తున్నారు. హైడ్రోజన్ గ్యాస్ నింపిన బెలూన్లు లిఫ్ట్‌లో తీసుకెళ్లేటప్పుడు జాగ్రత్తగా ఉండాలని నిపుణులు హెచ్చరిస్తున్నారు.

ఈ వార్తలు కూడా చదవండి:
గాల్లో విమానం.. అర్ధనగ్నంగా యువకుడి వీరంగం.. వీడియో వైరల్

మీ పరిశీలనా శక్తికి పరీక్ష.. ఈ ఫొటోల్లోని మూడు తేడాలను 31 సెకెన్లలో కనిపెట్టండి