ఢిల్లీలో 10 గంటల పాటు రైళ్ల రాకపోకలు రద్దు: భారతీయ రైల్వే

న్యూఢిల్లీ, అక్టోబర్ 09: దేశ రాజధాని న్యూఢిల్లీలో అక్టోబర్ 10వ తేదీ జంతర్ మంతర్ వద్ద కాక్రోచ్ జనతా పార్టీ (సీజేపీ) నిరసనల నేపథ్యంలో న్యూఢిల్లీ రైల్వే స్టేషన్, హజ్రత్ నిజాముద్దీన్ స్టేషన్లకు వచ్చి పోయే రైళ్ల సర్వీసులు అన్నింటిని రద్దు చేసింది. ఈ మేరకు భారతీయ రైల్వే శుక్రవారం ఓ ప్రకటనలో వెల్లడించింది. శనివారం ఉదయం 4.00 నుంచి మధ్యాహ్నం 2.00 గంటల మధ్య ఆయా స్టేషన్లకు రైల్వే సర్వీసులు నడవవని స్పష్టం చేసింది. ఈ స్టేషన్ల నుంచి మొత్తం10 గంటల పాటు రైళ్ల రాకపోకలను రద్దు చేసినట్లు తెలిపింది.

ఆ క్రమంలో ఈ రెండు స్టేషన్లకు దేశంలోని పలు ప్రాంతాల నుంచి అక్టోబర్ 9వ తేదీన బయలుదేరే సర్వీసులను రద్దు చేసినట్లు భారతీయ రైల్వే చెప్పింది. తూర్పు రైల్వే పరిధిలోని పశ్చిమ బెంగాల్ నుంచి న్యూఢిల్లీ చేరుకోవాల్సిన రెండు రాజధాని ఎక్స్‌ప్రెస్ రైళ్లు.. 12301 హౌరా- న్యూఢిల్లీ, 12313 సీల్దా - న్యూఢిల్లీ సర్వీసులు రద్దయ్యాయని వివరించింది. శనివారం న్యూఢిల్లీ, హజ్రత్ నిజాముద్దీన్ రైల్వే స్టేషన్ల వద్ద భారీగా ట్రాఫిక్ ఏర్పడే అవకాశం ఉందని నిఘా వర్గాల సమాచారం మేరకు ఈ నిర్ణయం తీసుకున్నట్లు భారతీయ రైల్వే వివరణ ఇచ్చింది.

మరో వైపు న్యూఢిల్లోని 57 మెట్రో స్టేషన్లు మూసి వేసినట్లు ఢిల్లీ మెట్రో రైల్ కార్పోరేషన్ (డీఎంఆర్‌సీ) ప్రకటించింది. నేడు( అక్టోబర్ 9వ తేదీ ) రాత్రి 9.00 నుంచి శనివారం వరకు ఈ మెట్రో స్టేషన్లు మూసి వేస్తున్నటు జారీ చేసిన ప్రకటనలో డీఎంఆర్‌సీ వివరించింది. జంతర్ మంతర్ వద్ద కాక్రోచ్ జనతా పార్టీ నిరసనల కారణంగా.. మెట్రో స్టేషన్ల ఎంట్రన్స్, ఎగ్జిట్స్ మూసి వేయ్యాలని డీఎంఆర్‌సీకి ఢిల్లీ పోలీసులు లేఖ రాశారు. ఈ నేపథ్యంలో మెట్రో ఈ నిర్ణయం తీసుకుంది.

ఈ వార్తలు కూడా చదవండి..

ఢిల్లీలో హైఅలర్ట్.. పర్యటనలు రద్దు చేసుకుని రంగంలోకి దిగిన అమిత్ షా

బీసీలను కేవలం ఓటు బ్యాంకుగా చూస్తున్న గొడ్డలి పార్టీ: మంత్రి సత్యప్రసాద్