బ్రిక్స్ కరెన్సీ ప్రతిపాదన లేదు: విదేశాంగ మంత్రిత్వ శాఖ

ఢిల్లీ, సెప్టెంబర్ 12: బ్రిక్స్ (BRICS) కూటమికి సంబంధించి ఉమ్మడిగా 'బ్రిక్స్ కరెన్సీ' (BRICS Currency) ప్రవేశపెట్టే ప్రతిపాదన ఏదీ ప్రస్తుతం పరిశీలనలో లేదని విదేశాంగ మంత్రిత్వ శాఖ ఎకనామిక్ రిలేషన్స్ కార్యదర్శి సుధాకర్ దలేలా స్పష్టం చేశారు. 18వ బ్రిక్స్ శిఖరాగ్ర సదస్సు అనంతరం ఆయన మీడియా సమావేశంలో మాట్లాడారు.

బ్రిక్స్ కరెన్సీపై స్పష్టత

ప్రస్తుతానికి కూటమిలో కొత్తగా 'బ్రిక్స్ కరెన్సీ'ని తీసుకువచ్చే ఆలోచన లేదని దలేలా తేల్చి చెప్పారు. దానికి బదులుగా, సభ్య దేశాల మధ్య జరిగే ద్వైపాక్షిక వాణిజ్యాన్ని స్వదేశీ కరెన్సీల (Local Currencies) లో చెల్లించడంపైనే దృష్టి సారిస్తున్నామని తెలిపారు.

లావాదేవీల వ్యయం తగ్గింపు

స్థానిక కరెన్సీలలో వాణిజ్య లావాదేవీలు జరపడం వల్ల లావాదేవీల వ్యయం (Transaction Costs) తగ్గడమే కాకుండా వ్యాపారం మరింత వేగవంతం అవుతుందని ఆయన అన్నారు. ఇది ప్రస్తుత అంతర్జాతీయ చెల్లింపుల వ్యవస్థకు ప్రత్యామ్నాయంగా కాకుండా, దానికి అనుబంధంగా ఉపయోగపడుతుందని వివరించారు.

బ్రిక్స్ పేమెంట్ టాస్క్ ఫోర్స్ (BPTF)

సరిహద్దు దాటి జరిగే చెల్లింపులు, సందేశ వ్యవస్థలను (Messaging Channels) సులభతరం చేసేందుకు 'బ్రిక్స్ పేమెంట్ టాస్క్ ఫోర్స్' కృషి చేస్తోందని పేర్కొన్నారు. మరింత వేగవంతమైన, సురక్షితమైన, తక్కువ ఖర్చుతో కూడిన చెల్లింపుల పరిష్కారాలను కనుగొనడమే దీని లక్ష్యమని చెప్పారు.

భారత్ ఆతిథ్యంతో 350కి పైగా సమావేశాలు

భారత అధ్యక్షతన గడిచిన 8 నెలల కాలంలో వివిధ రంగాల వారీగా, మంత్రిత్వ శాఖలు, వ్యాపార వేదికల స్థాయిలో 350కి పైగా సమావేశాలు విజయవంతంగా జరిగాయని సుధాకర్ దలేలా తెలిపారు.

Also Read:

బ్రిక్స్ సదస్సు: దేశాధినేతలతో ప్రధాని మోదీ వరుస ద్వైపాక్షిక భేటీలు

పశ్చిమాసియా సంక్షోభంపై బ్రిక్స్ కీలక పాత్ర పోషించాలి: జిన్‌పింగ్

బీసీల ఆర్థిక, రాజకీయ, సామాజిక గుర్తింపు సీఎం చంద్రబాబుతోనే సాధ్యం: మంత్రి సవిత..