లా కోర్సులకు వయోపరిమితి తొలగింపు
ABN , Publish Date - Nov 07 , 2026 | 03:36 AM
న్యాయ విద్య అభ్యసించాలనుకునే వారికి బార్‌ కౌన్సిల్‌ ఆఫ్‌ ఇండియా (బీసీఐ) తీపికబురు అందించింది
సుప్రీంకోర్టుకు తెలిపిన బార్‌ కౌన్సిల్‌
న్యూఢిల్లీ, నవంబరు 6: న్యాయ విద్య అభ్యసించాలనుకునే వారికి బార్‌ కౌన్సిల్‌ ఆఫ్‌ ఇండియా (బీసీఐ) తీపికబురు అందించింది. మూడేళ్లు, ఐదేళ్ల ఎల్‌ఎల్‌బీ కోర్సుల్లో విధించిన గరిష్ఠ వయోపరిమితిని ఎత్తివేసింది. ఇకపై వయసుతో సంబంధం లేకుండా ఎవరైనా ఈ కోర్సుల్లో చేరవచ్చు. ఈ విషయాన్ని బీసీఐ శుక్రవారం సుప్రీంకోర్టుకు వెల్లడించింది. గతంలో ఐదేళ్ల ఎల్‌ఎల్‌బీ కోర్సుకు 20 ఏళ్లు, మూడేళ్ల కోర్సుకు 45 ఏళ్ల గరిష్ఠ వయోపరిమితిని బీసీఐ నిర్దేశించింది. దీనిని సవాల్‌ చేస్తూ రిషబ్‌ దుగ్గల్‌ అనే వ్యక్తి సుప్రీంకోర్టులో పిటిషన్‌ దాఖలు చేశారు. ఈ పిటిషన్‌పై విచారణ సందర్భంగా వయోపరిమితి అమలుపై 2017లో సుప్రీంకోర్టు స్టే విధించింది. తాజాగా బీసీఐ జనరల్‌ కౌన్సిల్‌ వయోపరిమితిని ఉపసంహరించుకోవాలని నిర్ణయించినట్లు ఆ సంస్థ తరఫు న్యాయవాది రాధికా గౌతమ్‌ ధర్మాసనానికి తెలిపారు. దీంతో సుప్రీంకోర్టు పిటిషన్‌పై విచారణ ముగించింది.
ఇవి కూాడా చదవండి...
శాటిలైట్లకు చిక్కకుండా పంట వ్యర్థాల దహనం.. ‘ఫైర్ వాచ్‌’తో సమస్యకు చెక్
ఓబీసీ క్రీమీలేయర్‌పై సుప్రీంకోర్టు కీలక స్పష్టత.