ఢిల్లీ పోలీస్ హెడ్‌క్వార్టర్స్‌కు అమిత్ షా, సీఎం రేఖా గుప్తా.. శాంతిభద్రతలపై సమీక్ష

ఢిల్లీ, అక్టోబర్ 24: దేశ రాజధానిలో శాంతిభద్రతల పరిస్థితిని సమీక్షించేందుకు కేంద్ర హోంమంత్రి అమిత్ షా ఇవాళ (శనివారం) ఢిల్లీ పోలీసు ప్రధాన కార్యాలయాన్ని (హెడ్‌క్వార్టర్స్) సందర్శించి సీనియర్ పోలీసు అధికారులతో సమావేశమయ్యారు. ఆయనతో పాటు ఢిల్లీ ముఖ్యమంత్రి రేఖా గుప్తా కూడా ఈ భేటీలో పాల్గొన్నారు.

ఎన్నికల సంఘంపై నిరసనలు: ఓటర్ల జాబితా ప్రత్యేక సమగ్ర సవరణ (SIR) ప్రక్రియకు వ్యతిరేకంగా విపక్ష పార్టీలు, విద్యార్థి సంఘాలు చేపడుతున్న ఆందోళనల నేపథ్యంలో ఈ సమావేశం ప్రాధాన్యత సంతరించుకుంది. ఓటర్ల జాబితా సవరణ ప్రక్రియలో అక్రమాలు జరిగాయని ఆరోపిస్తూ ప్రధాన ఎన్నికల కమిషనర్ (CEC) జ్ఞానేశ్ కుమార్ రాజీనామా చేయాలని విపక్షాలు డిమాండ్ చేస్తున్న సంగతి తెలిసిందే.

నవంబర్ 1 రామ్‌లీలా మైదాన్ మెగా ర్యాలీ: సీఈసీ జ్ఞానేశ్ కుమార్ రాజీనామా డిమాండ్‌తో కాంగ్రెస్ పార్టీ, 'ఇండియా' (INDIA) కూటమి భాగస్వామ్య పార్టీలు నవంబర్ 1న రామ్‌లీలా మైదాన్‌లో భారీ బహిరంగ ప్రదర్శనకు పిలుపునిచ్చిన నేపథ్యంలో దేశ రాజధానిలో భద్రతా ఏర్పాట్లు, శాంతిభద్రతల పరిరక్షణపై ఈ భేటీలో అమిత్ షా, సీఎం రేఖా గుప్తా పోలీసు అధికారులతో చర్చలు జరిపారు. (Amit Shah Delhi Police Review)

ఈ వార్తలూ చదవండి

అభిజీత్ దీప్కే లాంటి వాళ్లు వస్తారు.. సీజేపీ నేతపై పీయూష్ గోయల్ వ్యాఖ్యలు..

గ్రీకు రెస్టారెంట్‌లో తొలి పరిచయం.. రాజీవ్‌ గాంధీతో ప్రేమకథను గుర్తుచేసుకున్న సోనియా గాంధీ..