అస్సాంలో 9 మంది బంగ్లాదేశీయుల అరెస్ట్.. నకిలీ ఆధార్ కార్డులు స్వాధీనం..

ఇంటర్నెట్ డెస్క్: దేశంలోకి అక్రమంగా ప్రవేశించిన తొమ్మిది మంది బంగ్లాదేశీయులను పోలీసులు అదుపులోకి తీసుకున్నారు. బొంగాయిగావ్ జిల్లాలోని న్యూ బొంగాయిగావ్ రైల్వే స్టేషన్‌లో 9 మంది బంగ్లాదేశ్ జాతీయులను పోలీసులు అరెస్ట్ చేశారు. బొంగాయిగావ్ సరిహద్దు పోలీసులు, ప్రభుత్వ రైల్వే పోలీసుల సంయుక్త ఆపరేషన్‌లో వీరిని పట్టుకున్నట్లు అధికారులు తెలిపారు (Bangladeshi Nationals Arrested).

రైల్వే టికెట్ కౌంటర్ సమీపంలో తొలుత ఆరుగురిని అదుపులోకి తీసుకున్నారు. వారి నుంచి సమాచారం సేకరించి మరో ముగ్గురిని కూడా పట్టుకున్నారు. మొత్తం తొమ్మిది మందిని పోలీసులు ప్రశ్నిస్తున్నారు. వారి గుర్తింపు, భారత్‌లోకి వచ్చిన మార్గం, ప్రయాణ ఉద్దేశం తదితర అంశాలపై విచారణ జరుగుతోంది. వారి నుంచి 6 మొబైల్ ఫోన్లు, 4 బంగ్లాదేశ్ జాతీయ గుర్తింపు కార్డులు, ఒక బంగ్లాదేశ్ పాస్‌పోర్ట్, మూడు నకిలీ భారతీయ ఆధార్ కార్డులు, 5 రైల్వే టికెట్లు స్వాధీనం చేసుకున్నారు. ఈ పత్రాలపై మరింత పరిశీలన జరుగుతోంది (Fake Aadhaar Cards).

వీరు పొరుగు రాష్ట్రం మీదుగా అస్సాంలోకి ప్రవేశించినట్లు పోలీసులు గుర్తించారు (Bangladesh India Border). న్యూ బొంగాయిగావ్ నుంచి ఇతర ప్రాంతాలకు వెళ్లేందుకు వారు ప్రయత్నిస్తున్నట్లు అధికారులు తెలిపారు. పని కోసం వెళ్లేందుకు వారు ప్రణాళిక వేసుకున్నారని పోలీసు అధికారి పేర్కొన్నారు. అయితే, వారు భారత్‌లోకి ఏ మార్గంలో ప్రవేశించారు? వారికి నకిలీ భారతీయ గుర్తింపు కార్డులు ఎలా లభించాయి? ఈ వ్యవహారంలో మరెవరైనా ఉన్నారా? అనే అంశాలపై దర్యాప్తు కొనసాగుతోంది.

ఇవి కూడా చదవండి...

ప్రయాణికులను కాపాడేది వాళ్లే.. ఎమర్జెన్సీలో జరిగేదేంటో ముందే చెప్పిన హీరో పైలట్

బకాయిలు చెల్లించక పోతే... ఎమ్మెల్యేల కమీషన్ల దందా బయటపెడతాం