రైల్వే ప్రయాణికులకు అలర్ట్.. రూల్స్ మారాయ్..

ఇంటర్నెట్ డెస్క్: రైలు ప్రయాణికులకు ఇండియన్ రైల్వే కీలకమైన అప్డేట్ ఇచ్చింది. టికెట్ క్యాన్సిలేషన్, రీఫండ్ విధానాల్లో కొత్త మార్పులు చేపట్టింది. ఈ కొత్త నిబంధనలు ఏప్రిల్ 1 నుంచి 15 మధ్య దశలవారీగా అమల్లోకి రానున్నాయని రైల్వే శాఖ వెల్లడించింది. టికెటింగ్ విధానంలో దళారులు చేస్తున్న మోసాలను అరికట్టేందుకు రిఫండ్ నిబంధనలను మరింత కఠినంగా మార్చినట్లు రైల్వే మంత్రి అశ్విని వైష్ణవ్ తెలిపారు.

కొత్త రీఫండ్ నియమాలు ఇలా ఉన్నాయి:

• సవరించిన నిబంధనల ప్రకారం.. టికెట్ రద్దు చేసుకునే సమయాన్ని బట్టి రిఫండ్ ఆధారపడి ఉంటుంది.

• ట్రైన్ బయల్దేరే సమయానికి 72 గంటల ముందు టికెట్ రద్దు చేస్తే కనీస క్యాన్సిలేషన్ ఛార్జీలు మాత్రమే కట్ చేసి మిగతా మొత్తం రీఫండ్ ఇస్తారు.

• 72 గంటల నుంచి 24 గంటల మధ్య రద్దు చేస్తే టికెట్ ధరలో సుమారు 25% కోత విధిస్తారు.

• 24 గంటల నుంచి 8 గంటల మధ్య రద్దు చేస్తే సుమారు 50% వరకు క్యాన్సిలేషన్ ఛార్జీలు కట్ అవుతాయి.

• ట్రైన్ బయల్దేరే 8 గంటల లోపు టికెట్ రద్దు చేస్తే ఎలాంటి రీఫండ్ ఇవ్వరు.

• ఇంకా ప్రయాణికులకు ఒక ముఖ్యమైన సౌలభ్యం కూడా కల్పించారు. రైలు బయల్దేరే ముందు 30 నిమిషాల వరకు బోర్డింగ్ స్టేషన్ మార్చుకునే అవకాశం ఉంటుంది. దీంతో ప్రయాణికులు తమకు అనుకూలమైన స్టేషన్‌లో ఎక్కే సౌకర్యం పొందగలరు.

• అదే సమయంలో, త్వరలో కన్ఫర్మ్ టికెట్ల తేదీ మార్పు (రీస్కెడ్యూల్)ను క్యాన్సిలేషన్ ఛార్జీలు లేకుండా చేసే కొత్త ఫీచర్‌ను కూడా ప్రవేశపెట్టే అవకాశముంది.

• ఈ మార్పుల ద్వారా రైల్వే సేవలను మరింత పారదర్శకంగా, సమర్థవంతంగా మార్చడమే లక్ష్యంగా అధికారులు పనిచేస్తున్నారు.

Also Read:

వాణిజ్య సిలిండర్ కొరత.. కుదేలవుతున్న ఫుడ్ ఇండస్ట్రీ

పేదలను వెళ్లగొట్టు.. ఒవైసీని కాపాడు

For More Latest News