సమ్మర్ స్పెషల్.. హైదరాబాద్ దగ్గర్లో టూర్ వెళ్లాలంటే ఈ ప్లేస్ బెస్ట్

ఇంటర్నెట్ డెస్క్: వేసవిలో ఎండ తీవ్రంగా ఉండటంతో చాలా మంది చల్లని ప్రదేశాలకు వెళ్లాలని అనుకుంటారు. కానీ దూరంగా వెళ్లే అవకాశం లేకపోతే హైదరాబాద్ దగ్గర్లోనే కొన్ని మంచి టూరిస్ట్ ప్రదేశాలు ఉన్నాయి. వీకెండ్‌లో లేదా ఒకరోజు ట్రిప్‌గా వెళ్లి ప్రకృతిని ఆస్వాదించవచ్చు. హైదరాబాద్‌లో వేసవిలో చూడదగ్గ బెస్ట్ డెస్టినేషన్ ఏదో ఇప్పుడు తెలుసుకుందాం..

అనంతగిరి హిల్స్

తెలంగాణలో వేసవిలో వెళ్లడానికి గుర్తుకు వచ్చే ప్రముఖ ప్రదేశాల్లో అనంతగిరి హిల్స్ ఒకటి. ఇది హైదరాబాద్ నుంచి సుమారు 70 కిలోమీటర్ల దూరంలో ఉంటుంది. ప్రకృతి అందాలు ఇష్టపడేవారికి ఈ ప్రదేశం చాలా నచ్చుతుంది. వీకెండ్‌ వస్తే చాలామంది ట్రావెలర్స్ ఇక్కడికి వస్తుంటారు. ప్రకృతిలో ట్రెక్కింగ్ చేయడానికి ఇది మంచి ప్రదేశం. కొండలు, పచ్చని అడవులు ఈ ప్రాంతాన్ని మరింత అందంగా మారుస్తాయి. ఇక్కడి ప్రశాంత వాతావరణం నగర జీవన ఒత్తిడిని కొంతవరకు తగ్గిస్తుంది.

అనంతగిరి ప్రాంతంలో ప్రకృతి అందాలతో పాటు గిరిజనుల జీవన విధానాన్ని కూడా చూడవచ్చు. వారి సంప్రదాయాలు, జీవనశైలి ఆసక్తికరంగా ఉంటాయి. ఇక్కడ పద్మాపురం బొటానికల్ గార్డెన్, అనంతపద్మనాభ స్వామి ఆలయం, నాగసముద్రం సరస్సు వంటి ప్రదేశాలు కూడా ఉన్నాయి. కొండపై ట్రెక్కింగ్ చేయడం ద్వారా ప్రకృతి అందాలను దగ్గరగా ఆస్వాదించవచ్చు.

వాటర్ గేమ్స్, రిసార్ట్స్

హైదరాబాద్ చుట్టుపక్కల అనేక వాటర్ పార్కులు, రిసార్ట్స్ కూడా ఉన్నాయి. వేసవిలో ఇవి ప్రత్యేక ఆఫర్లతో సందర్శకులను ఆకర్షిస్తాయి. కుటుంబంతో లేదా స్నేహితులతో వెళ్లి ఒకరోజు సరదాగా గడపడానికి ఇవి మంచి ఎంపికలు. మీ బడ్జెట్‌కు సరిపోయే ప్రదేశాన్ని ఎంచుకుని కూల్‌గా ట్రిప్ ప్లాన్ చేసుకోవచ్చు.

Also Read:

వేసవిలో బయటకు వెళ్లే ముందు ఈ స్కిన్‌కేర్ తప్పనిసరి

పర్యాటకులను ఆకట్టుకుంటున్న ఔలి హిల్ స్టేషన్

For More Latest News