పర్యాటకులను ఆకట్టుకుంటున్న ఔలి హిల్ స్టేషన్

ఇంటర్నెట్ డెస్క్: మంచుతో కప్పబడిన పర్వతాలు, చల్లని గాలి, ప్రకృతి అందాలు కలిసి కనిపించే ప్రదేశాలు చాలా అరుదుగా ఉంటాయి. అలాంటి అందమైన పర్యాటక ప్రదేశాల్లో ఒకటి ఉత్తరాఖండ్ రాష్ట్రంలోని ఔలి హిల్ స్టేషన్. అందమైన మంచు దృశ్యాలు, అడ్వెంచర్ స్పోర్ట్స్ కారణంగా ఔలి ఇప్పుడు పర్యాటకులకు ప్రత్యేక ఆకర్షణగా మారింది.

ఉత్తరాఖండ్ రాష్ట్రంలోని చమోలి జిల్లాలో ఉన్న ఔలి, ప్రకృతి అందాలకు ప్రసిద్ధి చెందిన హిల్ స్టేషన్. ఈ ప్రాంతం చుట్టూ మంచుతో కప్పుకున్న హిమాలయ పర్వతాలు, పచ్చని మైదానాలు, అలాగే ఓక్ చెట్లతో నిండిన అడవులు కనిపిస్తాయి. సముద్ర మట్టానికి దాదాపు 2,800 మీటర్ల ఎత్తులో ఉన్న ఈ ప్రాంతం నుంచి నందాదేవి పర్వత శ్రేణి అద్భుతంగా కనిపిస్తుంది. ముఖ్యంగా ఉదయం సూర్యోదయం, సాయంత్రం సూర్యాస్తమయం సమయంలో కనిపించే దృశ్యాలు పర్యాటకులను మంత్ర ముగ్ధులను చేస్తాయి.

ఔలి ప్రాంతాన్ని భారతదేశంలో స్కీయింగ్‌కు ప్రసిద్ధి చెందిన ప్రదేశంగా కూడా భావిస్తారు. అందుకే దీనిని ఇండియా స్కీయింగ్ క్యాపిటల్ అని కూడా పిలుస్తారు. సాహస క్రీడలను ఇష్టపడే వారికి ఇది చాలా అనుకూలమైన ప్రదేశం. ఇక్కడికి వచ్చే పర్యాటకులు హైకింగ్, స్కీయింగ్ వంటి అడ్వెంచర్ కార్యకలాపాలను ఆస్వాదించవచ్చు. హిమాలయాల సమీపంలో ఉండటంతో ఇక్కడి ప్రకృతి వాతావరణం ఎంతో ప్రశాంతంగా ఉంటుంది. చల్లని గాలి, పరిశుభ్రమైన వాతావరణం, అందమైన ప్రకృతి దృశ్యాలు నగర జీవనశైలిలోని ఒత్తిడిని మరిచిపోయేలా చేస్తాయి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

ఈ 5 అలవాట్లు ఎక్కువైతే సమస్యలు తప్పవు

సమ్మర్‌ స్పెషల్.. ఏ జ్యూసులు తాగితే ఆరోగ్యానికి మంచిదో తెలుసా?

For More Latest News