సముద్రంలో సింగిల్ రైడ్.. టూరిస్టులను కట్టిపడేస్తున్న అంతర్వేది

ఇంటర్నెట్ డెస్క్: సముద్రంలో సింగిల్ రైడ్ చేయాలనే కోరిక చాలా మందికి ఉంటుంది. కానీ అలలు, సముద్రపు ఉధృతి కారణంగా ఒంటరిగా వెళ్లేందుకు చాలామంది భయపడుతుంటారు. ఇప్పుడు అలాంటి అడ్వెంచర్‌ను ఇష్టపడేవారికి అంబేద్కర్ కోనసీమ జిల్లాలోని అంతర్వేది బీచ్‌లో ప్రత్యేక అవకాశం అందుబాటులోకి వచ్చింది.

అంతర్వేది లక్ష్మీనరసింహస్వామి ఆలయం సమీపంలో, గోదావరి నది సముద్రంలో కలిసే సాగర సంగమం ప్రాంతంలో జెట్‌స్కీ, ఏటీవీ (ఆల్ టెరైన్ వెహికల్) రైడ్లు ప్రారంభించారు. ఈ సింగిల్ రైడ్ టూరిస్టులను, ప్రకృతి ప్రేమికులను ఆకట్టుకుంటోంది. సముద్ర అలల మధ్య ఈ రైడ్ చేయడం ఎంతో థ్రిల్లింగ్ అనుభూతిని ఇస్తుందని నిర్వాహకులు చెబుతున్నారు.

ఈ రైడ్ సుమారు 2 నుంచి 4 నిమిషాల పాటు కొనసాగుతుంది. ఒక్కో వ్యక్తికి రూ.600 రుసుము వసూలు చేస్తున్నారు. రైడ్ సమయంలో భద్రత కోసం ట్రైనర్ కూడా వెనుక ఉంటారు. వాహనం ఎలా నడపాలో సూచనలు ఇస్తూ, ఎలాంటి ప్రమాదం జరగకుండా జాగ్రత్తలు తీసుకుంటారు. డ్రైవింగ్ చేయడం కష్టంగా అనిపిస్తే ట్రైనర్‌ వాహనాన్ని నడిపిస్తారు.

దైవ దర్శనంతో పాటు సముద్రంలో అడ్వెంచర్ రైడ్ అనుభవాన్ని ఒకేసారి పొందే అవకాశం ఉండటంతో ఈ ప్రదేశం టూరిస్టులను బాగా ఆకర్షిస్తోంది. అంతర్వేది ప్రాంతం ఆధ్యాత్మికతతో పాటు ప్రకృతి అందాలకు ప్రసిద్ధి చెందిందని, భవిష్యత్తులో దీనిని మరింత అభివృద్ధి చేస్తామని ప్రజాప్రతినిధులు తెలిపారు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఢిల్లీలో ఉచితంగా సందర్శించగల అద్భుతమైన ప్రదేశాలు ఇవే

3AC Vs 3E కోచ్‌.. రైలులో ఏది బెటర్?