ప్లాస్టిక్ డబ్బాలపై నూనె, మసాలా మరకలను ఇలా క్లీన్ చేయండి

ఇంటర్నెట్ డెస్క్: వంటగదిలో నూనె, పసుపు, మసాలాలు పెట్టడానికి ప్లాస్టిక్ డబ్బాలు ఎక్కువగా ఉపయోగిస్తాం. ఇవి చూడటానికి బాగానే ఉంటాయి కానీ కొంతకాలం తర్వాత మరకలు పడతాయి. ముఖ్యంగా నూనె లేదా మసాలాలు పడితే రంగు మారిపోతుంది. కానీ కొన్ని సులభమైన మార్గాలతో ఈ మరకలను ఈజీగా తొలగించవచ్చు.

బేకింగ్ సోడా, నిమ్మకాయ

మరకలు ఎక్కువగా ఉంటే, ఒక టీస్పూన్ బేకింగ్ సోడాలో కొంత నిమ్మకాయ రసం కలిపి పేస్ట్ చేయాలి. ఈ పేస్ట్‌ను డబ్బా అంతా పట్టించి 15 నిమిషాలు ఉంచి, తర్వాత గోరువెచ్చని నీటితో కడగాలి. ఇలా చేస్తే మొండి మరకలు కూడా సులభంగా పోతాయి.

వెనిగర్, గోరువెచ్చని నీరు

ఒక పాత్రలో గోరువెచ్చని నీటిలో కొద్దిగా వెనిగర్ కలిపి, ప్లాస్టిక్ డబ్బాలను అందులో అరగంట నానబెట్టాలి. తర్వాత డిటర్జెంట్‌తో కడిగితే మరకలు, దుర్వాసనలు తొలగిపోతాయి.

డిష్‌వాష్ లిక్విడ్, ఉప్పు

మరకలు తక్కువగా ఉంటే, డిష్‌వాష్ లిక్విడ్ వేసి పైన కొద్దిగా ఉప్పు చల్లి రుద్దాలి. ఉప్పు స్క్రబ్‌లా పనిచేసి మరకలను తొలగిస్తుంది.

ఎండలో ఆరబెట్టడం

డబ్బాలను కడిగిన తర్వాత తప్పకుండా ఎండలో ఆరబెట్టాలి. ఇలా చేస్తే తేమ పోయి, దుర్వాసన తగ్గుతుంది. ఈ సులభమైన చిట్కాలను పాటిస్తే మీ ప్లాస్టిక్ డబ్బాలు మళ్లీ కొత్త వాటిలా మెరిసిపోతాయి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆఫీసులో గంటల తరబడి కూర్చుంటున్నారా? మీ ఆరోగ్యం ప్రమాదంలో ఉన్నట్టే!

ప్రకృతి ప్రసాదించిన యాంటీ బయాటిక్స్.. రోగనిరోధక శక్తిని పెంచే 'సూపర్ మసాలాలు' ఇవే!

For More Latest News