గ్యాస్ సిలిండర్ త్వరగా అయిపోతుందా? ఎక్కువ రోజులు ఉండాలంటే ఇలా చేయండి

ఇంటర్నెట్ డెస్క్: ఇటీవలి కాలంలో, ప్రతి ఇంట్లో వంట గ్యాస్ ఒక ప్రాథమిక అవసరంగా మారింది. అయితే, చాలా మంది తమ గ్యాస్ సిలిండర్ త్వరగా అయిపోతుందని అంటుంటారు. పెరుగుతున్న ధరల కారణంగా తరచుగా సిలిండర్ మార్చడం ఖర్చును పెంచుతుంది. కానీ కొన్ని చిన్న తప్పులు, అలవాట్లు వల్ల కూడా గ్యాస్ త్వరగా అయిపోవచ్చు. అయితే, కొన్ని సులభమైన చిట్కాలు పాటిస్తే సిలిండర్ ఎక్కువ రోజులు ఉపయోగించుకోవచ్చు. గ్యాస్ సిలిండర్ ఎక్కువ రోజులు ఉండాలంటే పాటించాల్సిన చిట్కాలు ఏవో ఇప్పుడు తెలుసుకుందాం..

సరైన పాత్రలు ఉపయోగించాలి

వంట చేసేటప్పుడు ఫ్లాట్ బాటమ్ (సమానమైన అడుగు భాగం) ఉన్న పాత్రలను ఉపయోగించడం చాలా ముఖ్యం. ఈ పాత్రలు స్టవ్‌పై బాగా సరిపోతాయి. దీంతో బర్నర్ నుంచి వచ్చే వేడి.. పాత్ర మొత్తం భాగానికి సమానంగా చేరుతుంది. ఆహారం త్వరగా సమానంగా ఉడుకుతుంది. ఎక్కువ సమయం మంట పెట్టాల్సిన అవసరం ఉండదు గ్యాస్ వినియోగం తగ్గుతుంది.

మంటను తగ్గించాలి

చాలా మంది ఎక్కువ మంటపై వంట చేస్తారు. ఇది అవసరం లేకుండా గ్యాస్ వినియోగాన్ని పెంచుతుంది. మీడియం లేదా తక్కువ మంటపై వంట చేస్తే గ్యాస్ ఆదా అవుతుంది, వంట కూడా సరిగ్గా అవుతుంది.

ప్రెషర్ కుక్కర్ ఉపయోగించాలి

ప్రెషర్ కుక్కర్‌లో వంట చేస్తే ఆహారం త్వరగా ఉడుకుతుంది. దీంతో గ్యాస్ వినియోగం తగ్గుతుంది. బియ్యం, పప్పు, కూరగాయలు వంటి వంటలు కుక్కర్‌లో చేస్తే గ్యాస్ ఆదా అవుతుంది.

మూత పెట్టి వంట చేయాలి

మూత లేకుండా వంట చేస్తే వేడి బయటకు పోతుంది. మూత పెట్టి వంట చేస్తే ఆహారం త్వరగా ఉడుకుతుంది, గ్యాస్ కూడా ఆదా అవుతుంది.

బర్నర్‌ను శుభ్రంగా ఉంచాలి

బర్నర్ మురికిగా ఉంటే గ్యాస్ సరిగా మండదు. దీంతో ఎక్కువ గ్యాస్ ఖర్చవుతుంది. కనీసం వారానికి ఒకసారి బర్నర్‌ను శుభ్రం చేయాలి.

గ్యాస్ లీకేజీ ఉందో లేదో చెక్ చేయాలి

పైప్, రెగ్యులేటర్ లేదా స్టవ్ దగ్గర గ్యాస్ లీక్ అయితే గ్యాస్ త్వరగా అయిపోతుంది. ఇది ప్రమాదకరం కూడా. క్రమం తప్పకుండా లీకేజీ ఉందో లేదో పరిశీలించండి. లీక్ కనిపిస్తే వెంటనే గ్యాస్ ఆఫ్ చేయండి.

చిన్న చిన్న జాగ్రత్తలు తీసుకోవడం ద్వారా గ్యాస్ వినియోగాన్ని తగ్గించుకోవచ్చు. సరైన పాత్రలు వాడటం, మంటను నియంత్రించడం, బర్నర్ శుభ్రం చేయడం వంటి అలవాట్లు పాటిస్తే గ్యాస్ సిలిండర్ ఎక్కువ రోజులు ఉంటుంది. దీంతో మీ ఇంటి ఖర్చులు కూడా తగ్గుతాయి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

విటమిన్ డి సప్లిమెంట్లు తీసుకుంటున్నారా? ఇది తెలుసుకోండి

కంటి నొప్పి మెదడు సమస్యకు సంకేతమా?

For More Latest News