హోర్ముజ్ జలసంధిపై ట్రంప్ గం. 48 డెడ్ లైన్.. లేదంటే విద్యుత్ కేంద్రాలు నేలమట్టం చేస్తామని హెచ్చరిక
ABN , Publish Date - Mar 22 , 2026 | 06:57 AM
హోర్ముజ్ జలసంధిని 48 గంటల్లోగా పునరుద్ధరించాలి.. లేదంటే ఇరాన్ విద్యుత్ కేంద్రాలను నేలమట్టం చేస్తాం.. అంటూ అమెరికా అధ్యక్షుడు డోనాల్డ్ ట్రంప్ ఇరాన్కు అల్టిమేటం ఇచ్చారు. అంతర్జాతీయ చమురు రవాణాకు కీలకమైన జలసంధిని తెరిపించేందుకు ట్రంప్ ఈ హెచ్చరిక జారీ చేశారు.
ఆంధ్రజ్యోతి, మార్చి 22: అమెరికా అధ్యక్షుడు డొనాల్డ్ ట్రంప్ ఇరాన్కు అత్యంత కఠినమైన హెచ్చరిక జారీ చేశారు. పశ్చిమాసియాలో యుద్ధం తీవ్రరూపం దాల్చుతున్న వేళ, అంతర్జాతీయ చమురు రవాణాకు కీలకమైన హోర్ముజ్ జలసంధిని (Strait of Hormuz) 48 గంటల్లోగా పునరుద్ధరించాలని, లేదంటే ఇరాన్ విద్యుత్ కేంద్రాలను నేలమట్టం చేస్తామని అల్టిమేటం ఇచ్చారు.
అమెరికా కాలమానం ప్రకారం మార్చి 21, 2026 శనివారం రాత్రి తన 'ట్రూత్ సోషల్' వేదికగా స్పందించిన ట్రంప్, ఇరాన్ తన పద్ధతి మార్చుకోకపోతే తీవ్ర పరిణామాలు ఉంటాయని హెచ్చరించారు. హోర్ముజ్ జలసంధిని ఎటువంటి ముప్పు లేకుండా పూర్తిగా తెరిచి ఉంచాలని, దీనికి 48 గంటల సమయం ఇస్తున్నామని ట్రంప్ ప్రకటించారు. ఒకవేళ ఇరాన్ ఈ గడువును బేఖాతరు చేస్తే, ఆ దేశంలోని ప్రధాన విద్యుత్ కేంద్రాలను (Power Plants) అమెరికా ధ్వంసం చేస్తుందని, అందులోనూ అతిపెద్ద కేంద్రం (బుషెహర్ అణు విద్యుత్ కేంద్రం వంటివి) నుంచే ఈ దాడులు మొదలవుతాయని ట్రంప్ స్పష్టం చేశారు.
హోర్ముజ్ జలసంధి మూసివేత కారణంగా ప్రపంచవ్యాప్తంగా చమురు ధరలు ఆకాశాన్ని తాకుతున్నాయి. ప్రపంచంలోని 20శాతం చమురు రవాణా ఈ మార్గం ద్వారానే జరుగుతుంది. చమురు ధరలను తగ్గించేందుకు అమెరికా ట్రెజరీ విభాగం సన్నాహాలు చేస్తున్న వేళ ట్రంప్ ఈ హెచ్చరిక చేయడం గమనార్హం.
ఈ వార్తలు కూడా చదవండి..
అకాల వర్షాలతో పంట దెబ్బతిన్న రైతన్నలను ఆదుకుంటాం: సీఎం చంద్రబాబు
దేవుడి సాక్షిగా నేను రాసినవన్నీ నిజాలే.. వైఎస్ విజయలక్ష్మి షాకింగ్ కామెంట్స్
‘ఆస్కార్’ రేంజ్లో అవినాశ్ ప్రెస్మీట్.. బీటెక్ రవి సెటైర్లు
Read Latest AP News And Telangana News And International News And Telugu News
