నెతన్యాహు ప్రసంగిస్తుండగా భార్య సారా వాగ్వాదం.. ఇజ్రాయెల్ పార్లమెంట్‌లో కలకలం!

ఆంధ్రజ్యోతి, నవంబర్ 11: ఇజ్రాయెల్ పార్లమెంట్‌లో (కెస్సెట్) ప్రధాని బెంజమిన్ నెతన్యాహు (Bibi) ప్రసంగిస్తున్న సమయంలో అసాధారణ, నాటకీయ పరిణామం చోటుచేసుకుంది. దేశంలో జాతీయ ఐక్యత గురించి ప్రధాని మాట్లాడుతున్న తరుణంలో, ఆయన భార్య సారా నెతన్యాహు (Sara Netanyahu), నెతన్యాహు రాజకీయ ప్రత్యర్థి మధ్య బహిరంగంగా మాటల యుద్ధం జరిగింది.

ప్రధాని నెతన్యాహు పార్లమెంట్‌లో ప్రసంగిస్తుండగా, ఆయన రాజకీయ ప్రత్యర్థి (నఫ్తాలి బెన్నెట్) మధ్యలో అడ్డు తగిలారు. ప్రధాని సలహాదారులకు ఖతార్‌తో ఉన్న సంబంధాలు, అలాగే అక్టోబర్ 7 దాడికి సంబంధించిన దర్యాప్తు విషయాలపై ఆయన నిలదీశారు.

ఈ చర్చ కేవలం నాయకుల మధ్యే ఆగిపోకుండా, గ్యాలరీ ముందు వరుసలో కూర్చున్న ప్రధాని భార్య సారా నెతన్యాహు నేరుగా రంగంలోకి దిగారు. తన సీటు నుంచే ప్రత్యర్థిపై ఆమె గట్టిగా కేకలు వేస్తూ వాగ్వాదానికి దిగడంతో పార్లమెంట్‌లో కొంతసేపు గందరగోళ వాతావరణం నెలకొంది. సభా ప్రాంగణంలో జరిగిన ఈ హడావుడితో ప్రసంగం ఆపుతున్నట్లుగా ప్రధాని నెతన్యాహు కూడా ఒక్కసారిగా అటువైపు తిరిగి చూడాల్సి వచ్చింది. (Israel Knesset Clash)

ఈ వార్తలు కూడా చదవండి..

అటవీ అమరవీరుల త్యాగం మరువలేనిది: పవన్ కల్యాణ్

ఏపీ క్యాబినెట్ కీలక భేటీ.. 30కు పైగా అజెండా అంశాలపై సీఎం చర్చ

జగన్.. వైఎస్సార్ పేరు చెడగొడుతున్నారు.. జేసీ ప్రభాకర్ రెడ్డి ధ్వజం

Read Latest AP News And Telangana News And National News

And Telugu News