ఎక్కువగా ఆలోచించే వారికి బీపీ పెరుగుతుందా?

ఇంటర్నెట్ డెస్క్: ప్రస్తుత వేగవంతమైన జీవనశైలిలో ఎక్కువగా ఆలోచించడం (ఓవర్‌ థింకింగ్), మానసిక ఒత్తిడి చాలా మందిలో కనిపిస్తున్న సాధారణ సమస్యగా మారింది. చిన్న విషయాలకైనా అతిగా స్పందించడం, భవిష్యత్తుపై ఆందోళన చెందడం, గతాన్ని మళ్లీ మళ్లీ గుర్తుచేసుకోవడం వంటి అలవాట్లు మనసుకు మనశ్శాంతిని దూరం చేస్తాయి. ఈ పరిస్థితి కేవలం మానసికంగానే కాకుండా శారీరక ఆరోగ్యంపైనా ప్రభావం చూపుతుంది.

ఆలోచనలు – బీపీకి సంబంధం ఏమిటి?

ఆరోగ్య నిపుణుల ప్రకారం.. ఎప్పుడూ టెన్షన్, ఆందోళనలో ఉండే వ్యక్తుల్లో కొన్ని హార్మోన్లు ఎక్కువగా విడుదల అవుతాయి. ఇవి గుండె స్పందన వేగాన్ని పెంచి, రక్తప్రసరణపై ప్రభావం చూపుతాయి. దీంతో రక్తపోటు పెరిగే అవకాశం ఉంటుంది. ఇది ఒకరోజులోనే పెద్ద సమస్యగా మారకపోయినా, దీర్ఘకాలంగా కొనసాగితే గుండె ఆరోగ్యానికి ప్రమాదంగా మారవచ్చు. కొందరిలో వెంటనే లక్షణాలు కనిపించకపోయినా, ఎక్కువ కాలం ఒత్తిడిలో ఉంటే బీపీ సమస్యలు రావచ్చు. కాబట్టి ఒత్తిడిని తగ్గించుకోవడం చాలా ముఖ్యం.

ఎక్కువగా ఆలోచించడం ఎలా తగ్గించాలి?

• రోజూ వ్యాయామం చేయాలి (కనీసం 30 నిమిషాలు)

• తగినంత నిద్రపోవాలి.

• పాజిటివ్ ఆలోచనలు పెంచుకోవాలి.

• ఒత్తిడి కలిగించే విషయాల నుంచి దూరంగా ఉండాలి.

• అవసరమైతే డాక్టర్ లేదా కౌన్సిలర్ సలహా తీసుకోవాలి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

మటన్ తినడం వల్ల నిజంగా యూరిక్ యాసిడ్ పెరుగుతుందా..

ఇంట్లో కుక్కలను పెంచడం వల్ల కలిగే ప్రయోజనాలు మీకు తెలుసా..

For More Latest News