కొలెస్ట్రాల్ ఎందుకు పెరుగుతుంది? ఆయుర్వేదం చెప్పే కారణాలు ఇవే.!

ఇంటర్నెట్ డెస్క్: కొలెస్ట్రాల్ అనేది చాలా మందిలో కనిపించే సాధారణ సమస్య. కానీ దీన్ని నిర్లక్ష్యం చేస్తే గుండెపోటు వంటి తీవ్రమైన సమస్యలు వచ్చే ప్రమాదం ఉంటుంది. ముఖ్యంగా, కొలెస్ట్రాల్ పెరుగుదల నెమ్మదిగా జరుగుతుంది కాబట్టి.. చాలామందికి అది ఉన్నట్లు కూడా తెలియదు.

మన జీవనశైలి సరిగా లేకపోవడం, ఎక్కువగా వేయించిన, నూనె పదార్థాలు తినడం, సమయానికి భోజనం చేయకపోవడం, వ్యాయామం చేయకపోవడం వంటి కారణాల వల్ల జీర్ణక్రియ బలహీనపడుతుంది. దీంతో శరీరంలో కొవ్వు, వ్యర్థ పదార్థాలు పేరుకుపోతాయి. ఇవి రక్తనాళాల్లో చేరి రక్త ప్రవాహాన్ని అడ్డుకుంటాయి. ఇది అధిక కొలెస్ట్రాల్, గుండె సంబంధిత వ్యాధులకు దారితీస్తుంది.

కొలెస్ట్రాల్ ఎందుకు పెరుగుతుంది?

ఆయుర్వేదం ప్రకారం, కొలెస్ట్రాల్ సమస్యకు ప్రధాన కారణం బలహీనమైన జీర్ణక్రియ. ఆహారం సరిగ్గా జీర్ణం కాకపోతే, శరీరంలో విషపూరిత వ్యర్థాలు ఏర్పడతాయి. ఇవి క్రమంగా రక్తనాళాల్లో పేరుకుపోయి కొలెస్ట్రాల్ పెరగడానికి కారణమవుతాయి. అలాగే, ఎక్కువగా వేయించిన ఆహారం తినడం, అధిక నూనె పదార్థాలు తీసుకోవడం, వ్యాయామం లేకపోవడం, ఎక్కువ ఒత్తిడి (స్ట్రెస్).. ఇవి కూడా చెడు కొలెస్ట్రాల్ (LDL) పెరగడానికి ముఖ్య కారణాలు.

ఆయుర్వేదం ఏం చెబుతోంది?

కొలెస్ట్రాల్‌ను నియంత్రించడానికి కొన్ని సహజమైన ఇంటి చిట్కాలు ఉపయోగపడతాయని ఆయుర్వేదం చెబుతోంది. ముఖ్యంగా నిమ్మకాయ, వెల్లుల్లి, అల్లం చాలా ప్రయోజనకరమైనవి.

• ఒక వెల్లుల్లి రెబ్బ

• అర టీస్పూన్ తురిమిన అల్లం

• అర టీస్పూన్ నిమ్మరసం

• ఈ మూడింటిని భోజనానికి 10 నిమిషాల ముందు తీసుకోవాలి.

ప్రయోజనాలు:

• జీర్ణక్రియ మెరుగుపడుతుంది.

• శరీరంలో కొవ్వు పేరుకుపోవడం తగ్గుతుంది.

• చెడు కొలెస్ట్రాల్ (LDL) స్థాయి తగ్గడానికి సహాయపడుతుంది.

• గుండె ఆరోగ్యం మెరుగుపడుతుంది.

కొలెస్ట్రాల్ సమస్యను నియంత్రించడానికి మంచి ఆహారం, వ్యాయామం, ఆరోగ్యకరమైన జీవనశైలి చాలా ముఖ్యమైనవి. కాబట్టి ఆరోగ్యకరమైన అలవాట్లు పాటించడం ద్వారా కొలెస్ట్రాల్‌ను నియంత్రించవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ఇది కేవలం ప్రజల సాధారణ ఆరోగ్య ప్రయోజనాలను దృష్టిలో ఉంచుకుని ఇవ్వడం జరిగింది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఉదయం నిద్రలేవగానే ఈ లక్షణాలు కనిపిస్తున్నాయా? జాగ్రత్త.!

అధిక బరువు సమస్యకు ఈ ఆహారంతో చెక్ పెట్టండి!

For More Latest News