పరీక్ష లేకుండానే నేవీ జాబ్.. పూర్తి వివరాలు ఇవే

ఇంటర్నెట్ డెస్క్: ఉద్యోగం కోసం సిద్ధమవుతున్న యువతకు ఇండియన్ నేవీ శుభవార్త చెప్పింది. కేరళలోని ఎజిమలలో ఉన్న ఇండియన్ నావల్ అకాడమీలో 2027 జూన్‌లో ప్రారంభమయ్యే షార్ట్ సర్వీస్ కమిషన్ (SSC) కోర్సు కోసం నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 275 ఆఫీసర్ పోస్టులను భర్తీ చేయనుంది. అర్హత కలిగిన అవివాహిత మహిళలు, పురుషులు ఆన్‌లైన్‌లో దరఖాస్తు చేసుకోవచ్చు. ఈ నియామక ప్రక్రియలో రాత పరీక్ష, దరఖాస్తు ఫీజు లేకపోవడం ప్రత్యేకం.

ఏయే విభాగాల్లో ఖాళీలు?

• ఎగ్జిక్యూటివ్ బ్రాంచ్ – 90 పోస్టులు

• ఎలక్ట్రికల్ బ్రాంచ్ – 32

• పైలట్ – 25

• ఇంజినీరింగ్ బ్రాంచ్ – 24

• నావల్ ఎయిర్ ఆపరేషన్స్ ఆఫీసర్ – 18

• నావల్ కన్‌స్ట్రక్టర్ – 18

• ఎయిర్ ట్రాఫిక్ కంట్రోలర్ – 15

• నావల్ ఆర్మమెంట్ ఇన్‌స్పెక్టరేట్ – 14

• ఎడ్యుకేషన్ – 13

• లాజిస్టిక్స్ – 10

• సబ్‌మెరైన్ టెక్నికల్ (ఎలక్ట్రికల్) – 8

• సబ్‌మెరైన్ టెక్నికల్ (ఇంజినీరింగ్) – 8

• మొత్తం పోస్టులు: 275

అర్హతలు

సంబంధిత విభాగంలో గుర్తింపు పొందిన విశ్వవిద్యాలయం నుంచి బీఈ, బీటెక్ లేదా పీజీ (ఎంబీఏ, ఎంసీఏ, ఎంఏ, ఎంఎస్సీ, ఎంటెక్ తదితర కోర్సులు) పూర్తి చేసి ఉండాలి. చివరి సంవత్సరం చదువుతున్న విద్యార్థులు కూడా కొన్ని నిబంధనల ప్రకారం దరఖాస్తు చేసుకోవచ్చు. నిర్దేశించిన వైద్య, శారీరక ప్రమాణాలను తప్పనిసరిగా కలిగి ఉండాలి.

వయోపరిమితి

పైలట్, నావల్ ఎయిర్ ఆపరేషన్స్ ఆఫీసర్ పోస్టులకు దరఖాస్తు చేసే అభ్యర్థులు 2003 జులై 2 నుంచి 2008 జనవరి 1 మధ్య జన్మించి ఉండాలి. మిగతా పోస్టులకు 2002 జులై 2 నుంచి 2008 జనవరి 1 మధ్య జన్మించిన వారు అర్హులు.

ఎంపిక ఎలా ఉంటుంది?

ఈ నియామకంలో రాత పరీక్ష ఉండదు. విద్యార్హతల్లో సాధించిన మార్కుల ఆధారంగా అభ్యర్థులను షార్ట్‌లిస్ట్ చేస్తారు. అనంతరం ఎస్‌ఎస్‌బీ ఇంటర్వ్యూ, వైద్య పరీక్షలు, డాక్యుమెంట్ వెరిఫికేషన్ పూర్తి చేసిన వారికి తుది నియామకం ఉంటుంది.

వేతనం

ఎంపికైన అభ్యర్థులకు ప్రారంభంలోనే నెలకు సుమారు రూ.1.20 లక్షల వరకు వేతనం, ఇతర అలవెన్సులు అందుతాయి.

దరఖాస్తు విధానం

అర్హత కలిగిన అభ్యర్థులు ఇండియన్ నేవీ అధికారిక వెబ్‌సైట్‌లో ఆన్‌లైన్ ద్వారా దరఖాస్తు చేసుకోవాలి.

ముఖ్యమైన తేదీలు

• ఆన్‌లైన్ దరఖాస్తు చివరి తేదీ: 2026 జులై 27

ఉద్యోగం కోసం ఎదురుచూస్తున్న ఇంజినీరింగ్, పీజీ అభ్యర్థులకు ఈ నోటిఫికేషన్ మంచి అవకాశంగా చెప్పవచ్చు. పరీక్ష లేకుండానే మెరిట్, ఇంటర్వ్యూ ఆధారంగా ఎంపిక చేసే ఈ నియామకానికి ఆసక్తి ఉన్న వారు చివరి తేదీలోపు దరఖాస్తు చేసుకోవడం మంచిది.

Also Read:

IRCTC అదిరిపోయే టూర్ ప్యాకేజీ..ఒకే ట్రిప్‌లో 6 ప్రముఖ పుణ్యక్షేత్రాలు..

రెడీమేడ్ అల్లం-వెల్లుల్లి పేస్ట్‌కు గుడ్‌బై.. ఇంట్లోనే ఇలా తయారు చేసుకోండి