ఇవాళ మిశ్రమ ఫలితాలతో ముగిసిన భారత స్టాక్ మార్కెట్లు

ఆంధ్రజ్యోతి, ఫిబ్రవరి 11: ఇవాళ(బుధవారం) భారతీయ స్టాక్ మార్కెట్లు ఒడిదొడుకుల మధ్య సాగి, చివరికి మిశ్రమ ఫలితాలతో ముగిశాయి. ఇన్వెస్టర్లు దాదాపు రోజంతా అప్రమత్తంగా వ్యవహరించడంతో ఇండెక్స్‌లు కీలక స్థాయిల వద్దే తచ్చాడాయి.

నిఫ్టీ 18.70 పాయింట్లు పెరిగి 25,953.85 దగ్గర ముగిసింది. సెన్సెక్స్ 40.28 పాయింట్లు కోల్పోయి 84,233.64 వద్ద ముగిసింది. మొత్తంగా చూస్తే, ఇవాళ మార్కెట్ ఒక దిశానిర్దేశం లేకుండా 'సైడ్-వేస్' (Sideways)లో కదిలింది. నిఫ్టీ సానుకూలంగా ముగిసినప్పటికీ, సెన్సెక్స్ స్వల్ప నష్టాలను చవిచూడటం మార్కెట్లో ఉన్న అనిశ్చితిని తెలియజేస్తోంది.

ముఖ్యంగా బ్యాంకింగ్, ఐటీ రంగాలలో అమ్మకాల ఒత్తిడి సెన్సెక్స్‌ను వెనక్కి లాగగా, కొన్ని ఎంపిక చేసిన మిడ్-క్యాప్ షేర్లు నిఫ్టీకి మద్దతునిచ్చాయి. రేపు (గురువారం) సెన్సెక్స్ ఎక్స్‌పైరీ ఉండటంతో ట్రేడర్లు చాలా జాగ్రత్తగా వ్యవహరించడం కనిపించింది.

మార్కెట్ ప్రస్తుతం కీలకమైన సపోర్ట్, రెసిస్టెన్స్ స్థాయిల మధ్య ఉంది. నిఫ్టీ 26,000 మార్కును అందుకోవడానికి ప్రయత్నిస్తుండగా, సెన్సెక్స్ 84,000 స్థాయిని నిలబెట్టుకోవడానికి పోరాడుతోంది. రేపు సెన్సెక్స్ వీక్లీ ఎక్స్‌పైరీ రోజు కావున వోలటాలిటీ (Volatility) ఎక్కువగా ఉండే అవకాశం ఉందని మార్కెట్ వర్గాలు భావిస్తున్నాయి.

ఇవాళ్టి ట్రేడింగ్‌లో ఆటో, ఫార్మా, PSU బ్యాంక్ స్టాక్‌లు లాభపడ్డాయి. IT రంగం షేర్లు 1.7 శాతం క్షీణించాయి. Q3 లాభం 21 శాతం పెరగడంతో ఐషర్ మోటార్స్ 6.5 శాతం పెరిగింది. బుధవారం US ఉద్యోగాల నివేదికకు ముందు పెట్టుబడిదారులు జాగ్రత్త వహించడంతో మార్కెట్లు అక్కడక్కడే కదలాడాయి. అటు, నిఫ్టీ మిడ్‌క్యాప్ , స్మాల్ క్యాప్ సూచీలు ఫ్లాట్‌గా ముగిశాయి.

సెక్టోరల్ ఫ్రంట్‌(మార్కెట్‌లోని వివిధ రంగాలు)లో ఆటో ఇండెక్స్ 1.3% పెరిగింది. PSU బ్యాంక్, ఫార్మా ఒక్కొక్కటి 1% పెరిగాయి. కన్స్యూమర్ డ్యూరబుల్స్ ఇండెక్స్ 0.5% పెరిగింది. అయితే IT ఇండెక్స్ 1.7% పడిపోయింది.

ఐషర్ మోటార్స్, అపోలో హాస్పిటల్స్, మాక్స్ హెల్త్‌కేర్, SBI, మారుతి సుజుకి నిఫ్టీలో ప్రధాన లాభాలను ఆర్జించాయి, కోల్ ఇండియా, TCS, HCL టెక్నాలజీస్, ఎటర్నల్, ఇన్ఫోసిస్ నష్టపోయిన వాటిలో ఉన్నాయి.

ఇవి కూడా చదవండి..

దేశాన్ని అమ్మేశారు.. అమెరికాతో డ్రేల్‌ డీల్‌పై రాహుల్ గాంధీ

మన డేటా రక్షణకు చర్యలేవీ.. కేంద్రంపై రాహుల్‌‌ ప్రశ్నల వర్షం