Gold, Silver Rates Jan 18: పసిడి, వెండి ధరల్లో కొనసాగుతున్న పెరుగుదల! నేటి రేట్స్ ఇవీ..

ABN , Publish Date - Jan 18 , 2026 | 06:34 AM

బంగారం, వెండి ధరల్లో పెరుగుదల కొనసాగుతోంది. గురు, శుక్ర వారాల్లో కాస్త తగ్గిన ధరలు శనివారం మళ్లీ పెరిగాయి. మరి ప్రస్తుతం ధరలు ఎలా ఉన్నాయో ఈ కథనంలో తెలుసుకుందాం.

Gold, Silver Rates Jan 18: పసిడి, వెండి ధరల్లో కొనసాగుతున్న పెరుగుదల! నేటి రేట్స్ ఇవీ..

Gold, Silver Rate on Jan 18

ఇంటర్నెట్ డెస్క్: భారత్‌లో బంగారం, వెండి ధరల పెరుగుదల కొనసాగుతూనే ఉంది. సుంకాలను పెంచుతామంటూ అమెరికా అధ్యక్షుడి హెచ్చరికలు, భౌగోళిక రాజకీయ అనిశ్చితులు వెరసి ఇన్వెస్టర్లను సురక్షిత పెట్టుబడి సాధనాలైన బంగారం, వెండి వైపు మళ్లేలా చేస్తోంది. ఫలితంగా ధరలు అంతకంతకూ పెరుగుతున్నాయి. జనవరిలో ఇప్పటివరకూ బంగారం ధర సుమారు 7 శాతం మేర పెరిగింది. పసిడిని మించి వెండి ధర పరుగులు పెడుతోంది (Gold and Silver Rates on Jan 18 2026).

గుడ్ రిటర్న్స్ వెబ్‌సైట్ ప్రకారం, హైదరాబాద్ బులియన్ మార్కెట్‌లో శనివారం బంగారం ధర స్వల్పంగా పెరిగింది. నేడు (ఆదివారం, జనవరి 18) ఉదయం 6.00 గంటల సమయంలో 24 క్యారెట్ 10 గ్రాముల పసిడి ధర రూ.1,43,780గా ఉంది. 22 క్యారెట్ బంగారం ధర రూ. 1,31,800 వద్ద తచ్చాడుతోంది. ముంబై, విజయవాడ, విశాఖపట్నంలో కూడా ఇదే రేటు కొనసాగుతోంది. ఇక చెన్నైలో అత్యధికంగా 24 క్యారెట్ 10 గ్రాముల బంగారం ధర రూ.1,44,870గా ఉంది. 22 క్యారెట్ బంగారం ధర రూ.1,32,800 వద్ద కొనసాగుతోంది.

హైదరాబాద్‌లో నిన్న కిలో వెండి రేటు కూడా సుమారు నాలుగు వేల మేర పెరిగింది. ప్రస్తుతం స్పాట్ మార్కెట్‌లో కిలో వెండి ధర రూ.3,10,000గా ఉంది. విజయవాడ, విశాఖపట్నంలో కూడా ఇదే ధర కొనసాగుతోంది. ముంబైలో మాత్రం కిలో వెండి ధర రూ.2,95,000గా ఉంది.

వివిధ నగరాల్లో 10 గ్రాముల బంగారం (24కే, 22కే) ధరలు ఇవీ