New Year Special Remedy : న్యూ ఇయర్ స్పెషల్.. ఈ ప్రత్యేక పరిహారం చేయండి..!

ఇంటర్నెట్ డెస్క్: 2026 సంవత్సరం ప్రారంభమైంది. ఇవాళ నూతన సంవత్సరపు మొదటి రోజు. ప్రతి ఒక్కరూ తమ కుటుంబ సభ్యులకు, స్నేహితులకు నూతన సంవత్సర శుభాకాంక్షలు తెలియజేస్తారు. సంవత్సరం మొదటి రోజున మనం ఎలా ప్రారంభిస్తామో, అదే విధంగా ఏడాది మొత్తం మన జీవితంపై ప్రభావం ఉంటుందని పెద్దలు చెబుతారు. అందుకే, నూతన సంవత్సర మొదటి రోజున దేవుళ్లను ప్రసన్నం చేసుకునేందుకు ప్రయత్నాలు చేయాలని జ్యోతిష్క నిపుణులు సూచిస్తారు. ఇలా చేస్తే ఏడాది పొడవునా దేవుళ్ల ఆశీర్వాదాలు ఉంటాయని నమ్మకం.

శాస్త్రాల ప్రకారం లక్ష్మీదేవి సంపదకు అధిదేవత. నూతన సంవత్సర రోజున లక్ష్మీదేవిని ప్రసన్నం చేసుకుంటే, ఇంట్లో ఏడాది పొడవునా ధనానికి లోటు ఉండదని అంటారు. నిపుణుల ప్రకారం, లక్ష్మీదేవి సాయంత్రం సమయంలో భూమిపై సంచరిస్తూ తన భక్తుల ఇళ్లను సందర్శిస్తుంది. ఈ సమయం సాయంత్రం 7 గంటల నుంచి రాత్రి 9 గంటల మధ్య ఉంటుంది. నూతన సంవత్సరపు మొదటి రోజు సాయంత్రం కొన్ని ప్రత్యేక పనులు చేస్తే లక్ష్మీదేవి కృప కలుగుతుందని చెబుతారు.

ఇంటి ప్రధాన ద్వారం తెరిచి ఉంచండి

నూతన సంవత్సరం మొదటి రోజు సూర్యాస్తమయం తర్వాత కొద్దిసేపు ఇంటి ప్రధాన ద్వారాన్ని తెరిచి ఉంచాలి. ఇలా చేయడం వల్ల సానుకూల శక్తి ఇంట్లోకి ప్రవేశించి, శాంతి, సంతోషం కలుగుతాయని నమ్మకం. అలాగే లక్ష్మీదేవి ఆశీస్సులు కూడా లభిస్తాయి.

ఐదు దీపాలు వెలిగించండి

సాయంత్రం సమయంలో ఇంటి ప్రధాన ద్వారం వద్ద ఐదు దీపాలు వెలిగించాలి. ఇవి లక్ష్మీదేవిని స్వాగతించడానికి సూచకంగా భావిస్తారు. ఇలా చేస్తే ఇంట్లో ఆనందం, శ్రేయస్సు, అదృష్టం పెరుగుతాయని నమ్మకం.

సాయంత్రం ఇంటిని శుభ్రంగా ఉంచండి

సాయంత్రం వేళ ఇంటిని చీకటిగా లేదా మురికిగా ఉంచకూడదు. ఇంటి ప్రధాన ద్వారం వద్ద అందంగా రంగోలి వేయాలి. శుభ్రతకు ప్రత్యేక ప్రాధాన్యం ఇవ్వాలి. లక్ష్మీదేవి శుభ్రంగా ఉన్న ఇంట్లోకే ప్రవేశిస్తుందని చెబుతారు. కాబట్టి నూతన సంవత్సరం మొదటి సాయంత్రం ఇంట్లో ఏ మూల కూడా చీకటిగా లేదా అపరిశుభ్రంగా లేకుండా చూసుకోవాలి.

(Note: ఇందులోని సమాచారం ఇంటర్నెట్ ఆధారంగా మీకు అందించడం జరుగుతుంది. కేవలం మీ అవగాహన కోసమే.. ABN ఆంధ్రజ్యోతి దీనిని ధృవీకరించలేదు )

Also Read:

న్యూ ఇయర్ పార్టీ.. ఇండియాలో బెస్ట్ బీచ్ డెస్టినేషన్స్ ఏవో తెలుసా?

కొలెస్ట్రాల్ పెరిగినప్పుడు శరీరంలో కనిపించే సంకేతాలు ఇవే.!

For More Latest News