రాజకీయాల కోసం మత్స్యకారులను రెచ్చగొట్టేందుకు వైసీపీ కుట్రలు: ఎమ్మెల్యే వెలగపూడి రామకృష్ణ

విశాఖపట్నం, జులై 14: వైసీపీ అధినేత జగన్మోహన్ రెడ్డి విశాఖ పర్యటన నేపథ్యంలో మత్స్యకారుల సంక్షేమంపై గత ప్రభుత్వ వైఫల్యాలను ఎండగడుతూ, కూటమి ప్రభుత్వం చేసిన లబ్ధిని వివరిస్తూ ఎమ్మెల్యే వెలగపూడి రామకృష్ణ బాబు ఘాటు వ్యాఖ్యలు చేశారు. వైసీపీ అధినేత జగన్మోహన్ రెడ్డి విశాఖపట్నం పర్యటన నేపథ్యంలో మత్స్యకారుల సంక్షేమంపై కూటమి ప్రభుత్వం చేసిన లబ్ధిని వివరిస్తూ, గత ప్రభుత్వ వైఫల్యాలను ఎమ్మెల్యే వెలగపూడి రామకృష్ణ బాబు తీవ్రస్థాయిలో ధ్వజమెత్తారు. జగన్మోహన్ రెడ్డి ముఖ్యమంత్రిగా ఉన్న ఐదేళ్ల కాలంలో మత్స్యకారులకు ఏం చేశారో ముందు సమాధానం చెప్పి విశాఖలో అడుగుపెట్టాలని ఆయన డిమాండ్ చేశారు. వైసీపీ ప్రభుత్వ హయాంలో సముద్రంలో గల్లంతైన మత్స్యకారులకు గానీ, ప్రకృతి విపత్తుల వల్ల పడవలు కోల్పోయిన వేటగాళ్లకు గానీ కనీసం ఒక్కరికైనా న్యాయం చేసిన దాఖలాలు లేవని విమర్శించారు. కేవలం ఓట్ల రాజకీయం కోసమే ఇప్పుడు జగన్ ఏ ముఖం పెట్టుకుని మత్స్యకార కుటుంబాల దగ్గరకు వస్తున్నారని వెలగపూడి ఘాటుగా ప్రశ్నించారు.

తమ కూటమి ప్రభుత్వం అధికారంలోకి వచ్చిన వెంటనే మత్స్యకారుల పట్ల పూర్తి అంకితభావంతో పనిచేస్తోందని, గతంలో ఉన్న మత్స్యకార భరోసా సాయాన్ని పది వేల నుండి ఏకంగా 20 వేల రూపాయలకు పెంచామని ఎమ్మెల్యే స్పష్టం చేశారు. వైసీపీ హయాంలో నష్టపోయి అన్యాయానికి గురైన బాధితులకు కూడా ప్రస్తుత ప్రభుత్వమే పాత బకాయిలు తీర్చి న్యాయం చేసిందని గుర్తు చేశారు. ఇటీవల సముద్రంలో గల్లంతైన వేటగాళ్లకు కూటమి ప్రభుత్వం అత్యంత వేగంగా సత్వర సహాయాన్ని అందించిందని తెలిపారు. వైసీపీ నేతలు మత్స్యకారులను రెచ్చగొట్టేందుకు ఎంత ప్రయత్నించినా, తమ ప్రభుత్వం చేసిన మేలును ప్రజలు గుర్తించారని, మత్స్యకార కుటుంబాలకు కూటమి ప్రభుత్వం ఎల్లప్పుడూ అండగా ఉంటుందని వెలగపూడి భరోసా ఇచ్చారు.

ఇవి కూడా చదవండి

ధవళేశ్వరం బ్యారేజీ గేట్ల పునరుద్ధరణ పనులను ప్రారంభించిన సీఎం చంద్రబాబు

ఒడిశాలో విషాదం.. మొబైల్‌తో కొట్టిన భార్య.. భర్త మృతి