Hydra Marshals: హైడ్రా మార్షల్స్ విధులకు బహిష్కరణ.. ఎమర్జెన్సీ సేవలకు బ్రేక్

హైదరాబాద్‌లో ఇప్పుడు హైడ్రా (Hyderabad Disaster Response and Assets Monitoring Protection) నుంచి కీలక ప్రకటన వెలుగులోకి వచ్చింది . హైడ్రా మార్షల్స్, అంటే నగరంలో విపత్తు నిర్వహణ, ఆస్తుల పరిరక్షణ కోసం పనిచేసే మాజీ సైనిక ఉద్యోగులు సంచలన నిర్ణయం తీసుకున్నారు. వేతనాలు తగ్గించడంతో ఆగ్రహించిన వీరు తమ విధులను బహిష్కరించారు. దీంతో గ్రేటర్ హైదరాబాద్‌లో వర్షాల వంటి ఎమర్జెన్సీ సేవలు పూర్తిగా స్తంభించాయి.

ఏం జరిగింది?

హైడ్రా మార్షల్స్‌లో చాలా మంది మాజీ సైనికులు ఉన్నారు. వీరు నగరంలో చెరువులు, నాలాలు, ప్రభుత్వ ఆస్తులను కాపాడటంతో పాటు, వర్షా కాలంలో వరదల సమస్యలను తగ్గించేందుకు రాత్రింబవళ్లు శ్రమిస్తారు. కానీ, ఇటీవల వీరి వేతనాలను తగ్గించడంతో ఇది సరికాదని విధులను బహిష్కరించారు. దీంతో 150 డివిజన్లలో హైడ్రా సేవలు బంద్ అయ్యాయి. ఈ నేపథ్యంలో మాన్సూన్ ఆపరేషన్స్‌ సహా అనేక సేవలపై వీరి ప్రభావం కనిపిస్తోంది.

ఎమర్జెన్సీ సేవలకు బ్రేక్!

ఈ నేపథ్యంలో హైడ్రా కంట్రోల్ రూమ్, ప్రజావాణి సేవలు కూడా నిలిచిపోయాయి. సాధారణంగా వర్షాకాలంలో నీరు నిలిచిన రోడ్లు, లోతట్టు ప్రాంతాల సమస్యలను పరిష్కరించేందుకు హైడ్రా టీమ్స్ రంగంలోకి దిగుతాయి. కానీ, ఇప్పుడు మార్షల్స్ సమ్మె వల్ల ఈ సేవలు ఆగిపోయాయి. నగరంలోని 11 అండర్‌పాస్‌ల నిర్వహణ, క్యాచ్‌పిట్‌ల శుభ్రత, నాలాల క్లీనింగ్ ‌లాంటి కీలక పనులు కూడా నిలిచిపోయాయి. దీనివల్ల వర్షం వస్తే నీరు నిలిచి, ట్రాఫిక్ జామ్‌లు, లోతట్టు ప్రాంతాల్లో ఇబ్బందులు మరింత తప్పవు.

ఇప్పుడేం జరగబోతోంది?

ఈ సమ్మె వల్ల హైడ్రా, జీహెచ్‌ఎంసీల మధ్య సమన్వయం కూడా దెబ్బతింటోంది. నగరంలో వరద సమస్యలను తగ్గించేందుకు జీహెచ్‌ఎంసీ మాస్టర్ ప్లాన్‌ను రూపొందిస్తోంది. కానీ మార్షల్స్ లేకుండా ఈ ప్లాన్‌లు ఎంతవరకు సక్సెస్ అవుతాయో చూడాలి మరి. మార్షల్స్ డిమాండ్‌లను పరిష్కరించి, త్వరగా సేవలను పునరుద్ధరించాల్సిన అవసరం ఉంది. లేకపోతే వర్షా కాలంలో హైదరాబాద్‌ వాసులు మరిన్ని ఇబ్బందులు ఎదుర్కోవాల్సి రావచ్చు.

ఇవి కూడా చదవండి

రైల్వే టిక్కెట్లపై 20% తగ్గింపు ఆఫర్.. ఈ అవకాశాన్ని వినియోగించుకోండి

ఉద్యోగం పోయిన తర్వాత లోన్ EMIలు చెల్లించాలా? మారటోరియం?

మరిన్ని జాతీయ, తెలుగు వార్తల కోసం క్లిక్ చేయండి