ADE Ambedkar:హైకోర్టు ఆదేశాలు సైతం బేఖాతరు.. రిమాండ్ రిపోర్టులో సంచలన అంశాలు

హైదరాబాద్, సెప్టెంబర్ 17: హైదరాబాద్‌ మహానగరంలోని వివిధ ప్రాంతాల్లో ఏడీఈగా విధులు నిర్వహిస్తూ.. ఏరుగు అంబేద్కర్ భారీగా అక్రమ ఆస్తులు కూడబెట్టినట్లు ఏసీబీ అధికారులు తమ సోదాల్లో గుర్తించారు. అతడు.. తన బినామీలను ఏర్పాటు చేసుకుని కోట్లాది రూపాయిలు సంపాదించినట్లు ఈ సందర్భంగా వెలుగులోకి వచ్చింది. దాదాపు రూ.300 కోట్లు అతడు సంపాదించినట్లు ఏసీబీ అధికారులు గుర్తించారు.

మంగళవారం ఉదయం నుంచి 11 ఏసీబీ బృందాలు.. ఏరుగు అంబేద్కర్ నివాసం, ఆయన బంధువులు, ఆయన కార్యాలయంలో సోదాలు చేపట్టారు. ఆ క్రమంలో భారీగా ఆస్తులు కూడబెట్టినట్లు కనుగొన్నారు. దీంతో ఏరుగు అంబేద్కర్‌ను ఏసీబీ అధికారులు అరెస్ట్ చేసి.. కోర్టులో హాజరు పరిచారు. ఆయనకు 14 రోజుల పాటు రిమాండ్ విధించారు. ఈ సందర్భంగా రిమాండ్ రిపోర్టులో కీలక అంశాలు వెలుగులోకి వచ్చాయి.

ఇక ఏడీఈ అంబేద్కర్ రిమాండ్‌ రిపోర్టులో కీలక అంశాలు..

• ఏడీఈ అంబేద్కర్ అక్రమాస్తులు రూ. 200 కోట్లకు పైగా ఉన్నట్లు గుర్తింపు

• మంగళవారం ఉదయం నుంచి 11 ప్రాంతాల్లో సోదాలు చేసి అంబేద్కర్‌ను ఏసీబీ అరెస్టు

• బినామీ సతీష్ ఇంట్లో రూ. 2.58 కోట్ల రూపాయల నగదు లభ్యం.

• ఏసీబీ చరిత్రలో ఇంత భారీ మొత్తంలో నగదు దొరకడం ఇదే తొలిసారి.

• ప్రభుత్వ అధికారిగా ఉంటూ కెమికల్ ఫ్యాక్టరీ నెలకొల్పిన అంబేద్కర్. సూర్యాపేటలో AMTHAR కెమికల్స్‌ పేరిట రెండు ఏళ్ల క్రితం ఏర్పాటు.

• AMTHAR కెమికల్స్ పేరుతో ఇథనాల్ తయారీ, కంపెనీ డైరెక్టర్‌గా అంబేద్కర్.

• బినామీలతోనే అధిక పనులు చేయించిన అంబేద్కర్. బినామీలకు కాంట్రాక్టులు పనులు ఇప్పించే పనులు మొత్తం తానే చూసుకున్న అంబేద్కర్.

• కొద్ది నెలల క్రితమే అంబేద్కర్‌పై విజిలెన్స్ విచారణ.

• గతంలో జీహెచ్ఏంసీలో ఏఈగా పనిచేసిన అంబేద్కర్.

• డిస్కంలో పటాన్‌చెరువు, కేపీహెచ్‌బీ, గచ్చిబౌలిలో పని చేయటంతో అధిక మొత్తంలో అక్రమ ఆస్తులు కూడబెట్టినట్లు ఆరోపణలు.

• ఐటీ కారిడార్‌లో హై రైజ్ బిల్డింగ్‌లకు విద్యుత్ కనెక్షన్ల జారీ సమయంలో పెద్ద ఎత్తున ముడుపులు తీసుకున్నట్లు ఫిర్యాదులు.

• కనెక్షన్ ఇచ్చేందుకు లోడ్ సరిపోదంటూ సాకు చెబుతూ వారి వద్ద నుండి రూ. కోట్లలో లంచం తీసుకున్నట్టు ఆరోపణ.

• పలుమార్లు అంబేద్కర్‌పై ఉన్నతాధికారులకు ఫిర్యాదులు

• వట్టినాగులపల్లిలో వివాదంలోనున్న వెంచర్‌కు విద్యుత్ కనెక్షన్ ఇవ్వద్దంటూ హైకోర్టు ఆదేశాలు జారీ చేసినా.. వాటిని అంబేద్కర్ బేఖాతరు చేసినట్లు ఫిర్యాదులు.

  ఈ వార్తలు కూడా చదవండి..

  ఏడీఈ అంబేద్కర్ అరెస్ట్.. రిమాండ్ విధించిన కోర్టు

  చరిత్ర మరవని రోజు.. సెప్టెంబర్ 17

  Read Latest Telangana News and National News