Water Falls : భారతదేశంలో తప్పకుండా చూడాల్సిన 8 ఫేమస్ వాటర్ ఫాల్స్..
ABN, Publish Date - Mar 08 , 2025 | 05:59 PM
Famous Waterfalls In India : భారతదేశం ప్రపంచంలోని అత్యంత అద్భుతమైన జలపాతాలకు నిలయం. మీరు ఈ సారి ట్రిప్ ప్లాన్ చేసినప్పుడు ఈ 8 జలపాతాల్లో ఒక్కటైనా తప్పకుండా సందర్శించండి.
1/8
1. నోహ్స్ంగిథియాంగ్, మేఘాలయ నోహ్స్ంగిథియాంగ్ జలపాతాన్ని 'సెవెన్ సిస్టర్స్ వాటర్ ఫాల్స్' అని కూడా పిలుస్తారు. ఒక దట్టమైన కొండపై 7 వాగులు కలిసి జాలువారడం వల్ల ఈ పేరొచ్చింది. ఈ ప్రాంతాన్ని వర్షాకాలంలో సందర్శిస్తే తప్పక ఆనందిస్తారు.
2/8
2. అథిరపిళ్లై జలపాతం, కేరళ అందమైన అథిరపిళ్లై జలపాతం దగ్గరే బాహుబలి, దిల్ సే వంటి సూపర్ హిట్ చిత్రాలు షూట్ చేశారు. వర్షకాలం లేదా శీతాకాలం ఈ జలపాతపు అందాలను ఆస్వాదించేందుకు మంచి సమయం.
3/8
3. దూద్‌సాగర్ జలపాతం, గోవా దూద్‌సాగర్ జలపాతాన్ని ముద్దుగా 'పాల సముద్రం' అని పిలుచుకుంటారు పర్యాటక ప్రియులు. తెల్లని పాల నురగలా గలగలా రాళ్లపై ప్రవహించే నీటి సవ్వడి ప్రకృతి చేసిన అద్భుత వింతలా కనిపిస్తుంది. వర్షాకాలం, వర్షాకాలం తర్వాత ఈ ప్లేస్ చుట్టేయండి.
4/8
4. జోగ్ జలపాతం, కర్ణాటక జోగ్ జలపాతం భారతదేశంలోనే రెండవ ఎత్తైన జలపాతం. ఇది ఏకంగా 830 అడుగుల ఎత్తు నుండి దూకుతుంది. ఈ జలపాతం సాహస ప్రియులకు అనువైనది. పర్యటించేందుకు ఉత్తమ సమయం వర్షాకాలం.
5/8
5. తలకోన జలపాతం, ఆంధ్రప్రదేశ్ తలకోన జలపాతం శ్రీ వెంకటేశ్వర జాతీయ ఉద్యానవనం లోపల ఉంది. ఇది ట్రెక్కింగ్‌కు గొప్ప ప్రదేశం. అక్టోబర్ నుండి జనవరి వరకు ఈ జలపాతపు అందాలను చూసేందుకు పర్యాటకులు ఎక్కడెక్కడి నుంచో తరలివస్తారు.
6/8
6. హోగేనక్కల్ జలపాతం, తమిళనాడు కన్నడలో హోగేనక్కల్ అంటే "పొగ మరియు రాళ్ళు" అని అర్థం. జలపాతం పొగమంచు రూపాన్ని తెలియజెప్పేలా దీనికి పేరు పెట్టారు. సందర్శనకు ఉత్తమ సమయం అక్టోబర్ నుండి ఫిబ్రవరి వరకు.
7/8
7. చచాయ్ జలపాతం, మధ్యప్రదేశ్ భారతదేశంలోని ఎత్తైన సింగిల్-డ్రాప్ జలపాతాలలో చాచాయ్ ఒకటి. ఉద్ధృతంగా సాగే దీని ప్రవాహ సవ్వడికి ఎవ్వరైనా వారెవ్వా అనాల్సిందే. . ఆగస్టు నుండి ఫిబ్రవరి మధ్య ఈ ప్రాంతాన్ని సందర్శించేందుకు చక్కటి సమయం.
8/8
8. దస్సం జలపాతం, ఝార్ఖండ్ 10 నీటి ప్రవాహాలు ఒకదానికొకటి కలిసి ప్రవహిస్తే ఏర్పడిందే దస్సం జలపాతాన్ని. పర్యాటకులను మంత్రముగ్ధులను చేసే దృశ్యాలే దీన్ని ప్రత్యేకంగా నిలిపాయి. పర్యటించేందుకు ఉత్తమ సమయం వర్షాకాలం.
Updated at - Mar 08 , 2025 | 06:05 PM
