Weather Updates: భాగ్యనగరంలో దంచికొట్టిన వాన.. రోడ్లన్నీ జలయమయం..
ABN, Publish Date - Apr 03 , 2025 | 05:14 PM
Hyderabad weather update: హైదరాబాద్లో ఉన్నట్టుండి వాతావరణం ఒక్కసారిగా మారిపోయింది. ఊహించని విధంగా వర్షం రావడంతో భాగ్యనగరవాసులు వేడి వాతావరణం నుంచి ఊరట లభించింది.
1/7
గత కొన్నాళ్లుగా ఉక్కపోతతో ఉక్కిరిబిక్కిరి అవుతున్న భాగ్యనగరవాసులను వరణుడు కరుణించాడు. మధ్యాహ్నం నుంచి వాతావరణం ఒక్కసారిగా చల్లబడి పలు ప్రాంతాల్లో జోరుగా వర్షం కురిసింది.
2/7
భానుడి సెగలతో అట్టుడుకిపోతున్న హైదరాబాద్ నగరాన్ని వరుణుడు శాంతింపజేశాడు. పలు చోట్ల వర్షం దంచికొట్టడంతో నగరవాసులకు వేసవి తాపం నుంచి ఉపశమనం లభించినట్లయింది.
3/7
గ్రేటర్ హైదరాబాద్లో పలు ప్రాంతాల్లో ఈదురు గాలులతో కూడిన భారీ వర్షం కురిసింది. నగరంలోని జూబ్లీహిల్స్, బంజారాహిల్స్తో పాటు అబిడ్స్, కోఠి, కూకట్పల్లి బషీర్ బాగ్, సైఫాబాద్ పరిసర ప్రాంతాల్లో హఠాత్తుగా పెద్ద ఎత్తున వర్షం కురిసింది.
4/7
పంజాగుట్ట, మధురానగర్, అమీర్పేట, బోరబండ, సనత్నగర్, కృష్ణానగర్, ఖైరతాబాద్, ఎర్రగడ్డ, యూసుఫ్గూడ, హిమాయత్నగర్, నారాయణగూడ, సుల్తాన్బజార్, చిక్కడపల్లి, ఆర్టీసీ క్రాస్రోడ్ తదితర ప్రాంతాల్లో భారీ వర్షం కురవడంతో రోడ్లన్నీ చెరువులను తలపిస్తున్నాయి..
5/7
నగరంలో మధ్యాహ్నం వరకూ వేడిగా ఉన్న వాతావరణం ఒక్కసారిగా చల్లబడింది. హఠాత్తుగా భోరున వర్షం కురవడంతో రోడ్లపై వాహనదారులు ఇబ్బందులు పడ్డారు. ట్రాఫిక్ కు అంతరాయం ఏర్పడింది.
6/7
ఒక్క భాగ్యనగరంలోనే కాక తెలంగాణ వ్యాప్తంగా ఈదురుగాలులతో కూడిన జల్లులు పడుతున్నాయి. అకస్మాత్తుగా వర్షం కురవడంతో రాష్ట్రంలో పలుచోట్ల కోతకు వచ్చిన ధాన్యం రాలిపోవడంతో రైతులు ఆవేదన వ్యక్తం చేస్తున్నారు.
7/7
మరో మూడు రోజులు రాష్ట్రంలో పలు చోట్ల వర్షాలు కురిసే అవకాశం ఉందని ఇప్పటికే వాతావరణ శాఖ హెచ్చరికలు జారీ చేసింది. మరో రెండ్రోజుల పాటు ప్రజలు అప్రమత్తంగా ఉండాలని సూచించింది.
Updated at - Apr 03 , 2025 | 05:14 PM
