Azharuddin: తెలంగాణ మంత్రిగా బాధ్యతలు స్వీకరించిన అజారుద్దీన్

తెలంగాణ రాష్ట్ర మైనారిటీ వెల్ఫేర్, పబ్లిక్ ఎంటర్ ప్రైజెస్ శాఖ మంత్రిగా అజారుద్దీన్ పదవీ బాధ్యతలు స్వీకరించారు. తెలంగాణ సచివాలయంలో అజారుద్దీన్ పదవీ బాధ్యతల ప్రమాణ స్వీకార కార్యక్రమం సోమవారం నాడు జరిగింది. ఈ సందర్భంగా పలువురు నేతలు అజారుద్దీన్‌కి అభినందనలు తెలిపారు. ఈ కార్యక్రమంలో తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్క, మంత్రి అడ్లూరి లక్ష్మణ్ కుమార్, టీపీసీసీ అధ్యక్షుడు మహేష్ కుమార్ గౌడ్, కాంగ్రెస్ సీనియర్ నేత షబ్బీర్ అలీ, పలువురు ప్రజా ప్రతినిధులు పాల్గొన్నారు.