TANA 5K Run In Charlotte: ఛార్లెట్‌లో ఘనంగా తానా 5కె రన్‌..

వాషింగ్టన్: ఉత్తర అమెరికా తెలుగు సంఘం (తానా) ఆధ్వర్యంలో సెప్టెంబర్‌ 21వ తేదీన ఛార్లెట్‌ కాంకర్డ్‌‌లోని ఫ్రాంక్లిస్కే పార్క్‌లో నిర్వహించిన 5కె రన్‌‌ కార్యక్రమానికి కమ్యూనిటీ నుంచి మంచి స్పందన వచ్చిందని నిర్వాహకులు వెల్లడించారు. తానా నాయకులతోపాటు తెలుగు వారు ఈ కార్యక్రమంలో భారీగా సంఖ్యలో పాల్గొన్నారు. దాదాపు 300 మంది ఎన్నారైలు, చార్లెట్ నుండి ఈ 5కే రన్/వాక్‌లో పాల్గొన్నారని తెలిపారు.

తానా టీమ్‌ స్క్వేర్‌ నిధుల సేకరణలో భాగంగా ఈ కార్యక్రమాన్ని ఛార్లెట్‌‌లో నిర్వహించారు. వయస్సుతో నిమిత్తం లేకుండా ఈ 5కే రన్‌లో అధిక సంఖ్యలో ఎన్నిరైలు, తెలుగు వారు పాల్గొన్నారు. అనంతరం ఈ రన్‌లో విజేతలుగా నిలిచిన వారికి.. బహుమతులు అందజేశారు. అలాగే ఈ రన్‌లో పాల్గొన్న వారికి ఉచితంగా టీ షర్టులు సైతం అందజేశారు.

ఇక డైనమిక్‌ యాంకర్‌, సర్టిఫైడ్‌ యోగా ఇన్‌స్ట్రక్టర్‌ సౌమ్య శ్రీ తలంకి ఈ కార్యక్రమంలో పాల్గొని.. అందరినీ ఉత్సాహపరిచారు. సర్టిఫైడ్‌ జుంబా ఇన్‌స్ట్రక్టర్‌ మౌనిక కవలి, తన హై-ఎనర్జీ జుంబాతో ఈ కార్యక్రమానికి మరింత జోష్‌ తీసుకొచ్చారు. ఈ కార్యక్రమానికి మారథాన్‌ రన్నర్‌, తానా కమ్యూనిటీ సర్వీస్‌ అవార్డు గ్రహీత నవీన్‌ అప్పలనేని మార్గదర్శకులుగా వ్యవహరించారు. ఆయన అంకితభావం, నాయకత్వం అందరికీ మార్గ దర్శనంగా నిలిచింది.

తానా అప్పలాచియాన్ ప్రాంతీయ ప్రతినిధి రవి వడ్లమూడి (నాని), తానా స్పెషల్ ప్రాజెక్ట్స్ కో ఆర్డినేటర్‌ నాగ మల్లేశ్వర పంచుమర్తి, తానా టీమ్‌ స్క్వేర్‌ చైర్మన్‌ కిరణ్‌ కొత్తపల్లి, తానా ఫౌండేషన్ ట్రస్టీ ఠాగూర్‌ మల్లినేని, తానా హెల్త్ సర్వీసెస్ కో ఆర్డినేటర్‌ మాధురి ఏలూరి, తానా రైతు కోసం చైర్మన్ రమణ అన్నే, పట్టాభి కంఠంనేని తదితరులు ఈ కార్యక్రమాన్ని సమన్వయ పరిచారు.

ఈ రన్ అనంతరం జరిగిన సమావేశంలో తానా నాయకులు మాట్లాడారు. ఈ టీమ్‌ స్క్వేర్‌ ద్వారా తానా చేస్తున్న సేవలను వారు వివరించారు. ఈ కార్యక్రమంలో పాల్గొన్న వారికి, వాలంటీర్లకు, స్పాన్సర్లకు తానా నాయకులు ఈ సందర్భంగా ధన్యవాదాలు తెలిపారు. ఈ రన్ సందర్భంగా రుచికరమైన అల్పాహారం అందరికి అందించారు.

ఈ వార్తలు కూడా చదవండి

అమెరికాలో ఏపీ సైన్స్ అండ్ టెక్నాలజీ అకాడమి ఛైర్మన్ రవి మందలపునకు ఘన సన్మానం

లీడ్స్‌ హిందూ మందిరంలో ఘనంగా శ్రీనివాస కళ్యాణం

For More NRI News And Telugu News