PM Modi to visit Japan and China : ఆగస్టు 29 నుండి జపాన్, చైనా పర్యటనకు ప్రధాని మోదీ
ABN , Publish Date - Aug 22 , 2025 | 09:32 PM
ఆగస్టు 29 నుండి వ్యూహాత్మక సంబంధాలను బలోపేతం చేయడానికి ప్రధాని మోదీ జపాన్, చైనాలను సందర్శిస్తారు. ఇరు దేశాల ఆహ్వానాల మేరకు ప్రధాని జపాన్, చైనాల్లో పర్యటించి..
న్యూఢిల్లీ, ఆగస్టు 22 : ప్రధానమంత్రి నరేంద్ర మోదీ ఆగస్టు 29 నుండి సెప్టెంబర్ 1 వరకు జపాన్, చైనాలను సందర్శిస్తారని విదేశాంగ మంత్రిత్వ శాఖ (MEA) తెలిపింది. జపాన్ ప్రధానమంత్రి షిగేరు ఇషిబా ఆహ్వానం మేరకు, ప్రధాని మోదీ ఆగస్టు 29-30 వరకు 15వ ఇండియా-జపాన్ వార్షిక శిఖరాగ్ర సమావేశంలో పాల్గొనడానికి జపాన్కు వెళతారు. ఇది ప్రధాని మోదీ జపాన్కు ఎనిమిదవ పర్యటన. ఇషిబాతో ప్రధానికి ఇది మొదటి శిఖరాగ్ర సమావేశం అని MEA వెల్లడించింది.
ఈ పర్యటనలో ఇద్దరు నాయకులు భారత్ - జపాన్ మధ్య రక్షణ, భద్రత, వాణిజ్యం, ఆర్థిక వ్యవస్థ, సాంకేతికత, నూతన ఆవిష్కరణలు, ప్రజల మధ్య మార్పిడి(సాంస్కృతిక కార్యక్రమాలు, వ్యక్తిగత సందర్శనలు)ని కవర్ చేసే వ్యూహాత్మక, ఇంకా ప్రపంచ భాగస్వామ్యాన్ని ఇరువురు నేతలు సమీక్షిస్తారు. ప్రాంతీయ, ప్రపంచ ప్రాముఖ్యత కలిగిన అంశాలను కూడా వారు చర్చిస్తారు. ఈ పర్యటన రెండు దేశాల మధ్య దీర్ఘకాల స్నేహ బంధాన్ని పునరుద్ఘాటిస్తుందని MEA తెలిపింది.
తన పర్యటన రెండవ దశలో, చైనా అధ్యక్షుడు జి జిన్పింగ్ ఆహ్వానం మేరకు, ప్రధాని మోదీ ఆగస్టు 31 నుండి సెప్టెంబర్ 1 వరకు టియాంజిన్లో జరిగే షాంఘై సహకార సంస్థ (SCO) శిఖరాగ్ర సమావేశానికి హాజరు కావడానికి చైనాకు వెళతారు. శిఖరాగ్ర సమావేశంలో భాగంగా, ప్రధానమంత్రి శిఖరాగ్ర సమావేశానికి హాజరయ్యే అనేక మంది నాయకులతో ద్వైపాక్షిక సమావేశాలు నిర్వహించనున్నారు.
భారతదేశం 2017 నుండి SCOలో సభ్యదేశంగా ఉంది. ఈ వారం ప్రారంభంలో, చైనా విదేశాంగ మంత్రి వాంగ్ యి ప్రధానమంత్రి నరేంద్ర మోదీని కలిసి, చైనాలోని టియాంజిన్లో జరిగే SCO శిఖరాగ్ర సమావేశానికి అధ్యక్షుడు జి జిన్పింగ్ ఇచ్చిన సందేశం, ఆహ్వానాన్ని అందజేశారు. ఆగస్టు 18 నుండి 19 వరకు చైనా విదేశాంగ మంత్రి వాంగ్ యి భారతదేశంలో అధికారిక పర్యటన చేసిన సంగతి తెలిసిందే.
ఇవి కూడా చదవండి:
తిన్న తర్వాత చేసే ఈ ఒక్క పొరపాటులో గ్యాస్ ప్రాబ్లెం..?
బ్రోకలీ ఆరోగ్యానికి మంచిదే... కానీ వీరికి మాత్రం కాదు!
