Modi Trump Meeting: మలేషియాలో మోదీ-ట్రంప్ భేటీ.. నిజమా? ఏం జరగబోతోంది?

ప్రధాని మోదీ (narendra modi) 75వ పుట్టినరోజు సందర్భంగా సెప్టెంబర్ 16న అమెరికా మాజీ అధ్యక్షుడు ట్రంప్ (donald trump) ఫోన్ చేసి శుభాకాంక్షలు తెలిపారు. ఆ టెలిఫోన్ సంభాషణ తర్వాత, త్వరలో మలేషియాలో జరగబోయే ఆసియాన్ సమ్మిట్‌‌లో ఈ ఇద్దరూ ప్రత్యక్షంగా భేటీ అయ్యే అవకాశం ఉందని అంతా ఆసక్తిగా ఎదురు చూస్తున్నారు. ప్రపంచ రాజకీయాల్లో ఈ కలయికపై ఇప్పటికే చర్చలు మొదలయ్యాయి.

మలేషియా ప్రధాని డతుక్ సెరీ అన్వర్ ఇబ్రహీం ఇటీవల ఓ కార్యక్రమంలో మాట్లాడుతూ, ట్రంప్ తనకు ఫోన్ చేసి, 47వ ఆసియాన్ సమ్మిట్ కోసం మలేషియా వస్తున్నట్లు చెప్పారని కన్ఫర్మ్ చేశారు. ఈ సమ్మిట్ అక్టోబర్ 26-28 తేదీల్లో జరగబోతోంది. అంతేకాదు, చైనా ప్రీమియర్ లీ కియాంగ్ కూడా ఈ సమ్మిట్‌కి హాజరవుతున్నారట.

ఇంత మంది పెద్ద నాయకులు కలిసే చోటికి మోదీ కూడా వెళతారని తెలుస్తోంది. ఎదుకంటే మోదీ గతంలో ఆసియాన్ సమ్మిట్‌లకు నిరంతరం హాజరవుతూ వచ్చారు. కాబట్టి, ఈసారి కూడా వెళతారని సమాచారం. కానీ ఇండియా లేదా అమెరికా నుంచి ఇంకా అధికారికంగా ఈ భేటీ గురించి ఎలాంటి ప్రకటన రాలేదు.

ఒకవేళ మోదీ-ట్రంప్ భేటీ జరిగితే, ఇది నవంబర్‌లో ఇండియాలో జరగబోయే క్వాడ్ లీడర్స్ సమ్మిట్‌కి ఒక బలమైన పునాది వేయొచ్చు. ఈ క్వాడ్ సమ్మిట్ కోసం ట్రంప్ ఇండియాకు రావొచ్చని కూడా టాక్ నడుస్తోంది. గతంలో జూన్ 17న వీళ్లిద్దరూ ఫోన్‌లో మాట్లాడినప్పుడు, ట్రంప్ ఈ సమ్మిట్ కోసం ఇండియాకు రావడానికి ఆహ్వానాన్ని స్వీకరించారు. కానీ, ఇప్పటివరకు వైట్ హౌస్ నుంచి ట్రంప్ షెడ్యూల్ గురించి ఎలాంటి అప్‌డేట్ రాలేదు.

అమెరికాకు కొత్తగా నియమితులైన రాయబారి సెర్జియో గోర్, ట్రంప్ క్వాడ్ సమ్మిట్ కోసం ఇండియాకు వచ్చేందుకు కట్టుబడి ఉన్నట్లు చెప్పారు. కానీ తేదీల గురించి ఇంకా స్పష్టత లేదు. మలేషియాలో ఈ భేటీ జరిగితే, అది భారత్-అమెరికా సంబంధాలకు మరింత ఊపు తెచ్చే అవకాశం ఉంది. అది అంతర్జాతీయంగా కీలక పరిణామాలకు దారితీయవచ్చని విశ్లేషకులు చెబుతున్నారు.

ఇవి కూడా చదవండి

మరో స్కామ్‌ అలర్ట్.. మీ డబ్బు, ఫోన్‌ను ఇలా కాపాడుకోండి

సెప్టెంబర్ 2025లో బ్యాంక్ సెలవుల పూర్తి లిస్ట్..

మరిన్ని జాతీయ, తెలుగు వార్తల కోసం క్లిక్ చేయండి