Goa Nightclub Fire: గోవా నైట్క్లబ్ అగ్నిప్రమాదం కేసు.. లూథ్రా బ్రదర్స్ అరెస్ట్
ABN , Publish Date - Dec 16 , 2025 | 03:11 PM
గోవా నైట్ క్లబ్ అగ్నిప్రమాదం కేసులో లూథ్రా బ్రదర్స్ను థాయిలాండ్లో అరెస్టు చేశారు. వీరిని ఇవాళ ఢిల్లీకి తీసుకొచ్చారు. ఢిల్లీ పాటియాలా కోర్టులో హాజరు పర్చారు. అగ్నిప్రమాదంలో 25 మంది మృతి చెందిన సంగతి తెలిసిందే.
ఆంధ్రజ్యోతి, డిసెంబర్ 16: గోవాలోని అర్పోరా ప్రాంతంలో డిసెంబర్ 6న జరిగిన ఘోర అగ్నిప్రమాదంలో 25 మంది మరణించిన ఘటనలో కీలక పరిణామం చోటుచేసుకుంది. 'బిర్చ్ బై రోమియో లేన్' నైట్క్లబ్ యజమానులు సౌరభ్, గౌరవ్ లూథ్రా సోదరులను థాయ్లాండ్ పోలీసులు అదుపులోకి తీసుకుని, డిసెంబర్ 16న భారత్కు డిపోర్ట్ చేశారు.
ప్రమాదం జరిగిన వెంటనే థాయ్లాండ్లోని పుకెట్కు పారిపోయిన లూథ్రా సోదరులను ఇంటర్పోల్ బ్లూ కార్నర్ నోటీసు ఆధారంగా థాయ్ అధికారులు అరెస్ట్ చేశారు. భారత పాస్పోర్టులను రద్దు చేసిన తర్వాత డిపోర్టేషన్ ప్రక్రియ వేగవంతమైంది.
బ్యాంకాక్ నుంచి ఢిల్లీకి చేరుకున్న వారిని గోవా పోలీసులు అదుపులోకి తీసుకుని, ఇవాళ పాటియాలా హౌస్ కోర్టులో హాజరుపరిచారు. అక్కడ నుంచి ట్రాన్జిట్ రిమాండ్ తీసుకుని గోవాకు తరలించే అవకాశం ఉంది.ప్రమాదానికి కారణం క్లబ్లో జరిగిన ఫైర్ షో సమయంలో ఫైర్వర్క్స్ వల్ల మంటలు వ్యాపించడమే అని ప్రాథమిక దర్యాప్తులో తేలింది.
ఎమర్జెన్సీ ఎగ్జిట్లు లేకపోవడం, ఫైర్ సేఫ్టీ నిబంధనలు పాటించకపోవడం వల్ల పరిస్థితి మరింత దిగజారింది. మృతుల్లో ఐదుగురు పర్యాటకులు కాగా, మిగతావారు స్టాఫ్ సభ్యులు.ఈ ఘటనపై గోవా ప్రభుత్వం మాజిస్టీరియల్ ఎంక్వైరీ ప్రకటించింది.
ఇప్పటికే క్లబ్ మేనేజర్తో పాటు మరో ఐదుగురిని అరెస్ట్ చేశారు. లూథ్రా సోదరులపై కల్పబుల్ హోమిసైడ్, నిర్లక్ష్యం నిబంధనల కింద కేసు నమోదైంది. దర్యాప్తు కొనసాగుతోంది.
ఇవి కూడా చదవండి...
భక్తులకు అలర్ట్.. ఆ సేవ రద్దుపై టీటీడీ కీలక ప్రకటన
సంజీవని ప్రాజెక్టుతో డిజిటల్ హెల్త్ రికార్డులు: సీఎం చంద్రబాబు
Read Latest AP News And Telugu News
