Guava Health Tips: జామపండు తిన్న వెంటనే వీటిని అస్సలు తినకండి..!
ABN , Publish Date - Nov 24 , 2025 | 01:56 PM
జామపండు తిన్న వెంటనే కొన్ని ఆహార పదార్ధాలను తినడం ఆరోగ్యానికి మంచిది కాదని నిపుణులు చెబుతున్నారు. అందువల్ల, జామపండు తిన్న తర్వాత వేటిని మనం తినకూడదో ఇప్పుడు తెలుసుకుందాం..
ఇంటర్నెట్ డెస్క్: జామపండు ఆరోగ్యానికి చాలా మంచిది. ఇందులో విటమిన్లు, యాంటీఆక్సిడెంట్లు, ఫైబర్ పుష్కలంగా ఉంటాయి. ఇవి రోగనిరోధక శక్తిని పెంచడం, జీర్ణక్రియను మెరుగుపరచడం, గుండె ఆరోగ్యాన్ని కాపాడటం, రక్తంలో చక్కెర స్థాయిలను నియంత్రించడం వంటి అనేక ప్రయోజనాలను అందిస్తాయి. అయితే, జామపండు తిన్న తర్వాత వెంటనే ఈ ఆహార పదార్ధాలను తినడం ఆరోగ్యానికి మంచిది కాదని ఆరోగ్య నిపుణులు చెబుతున్నారు. అవేంటో ఇప్పుడు తెలుసుకుందాం..
పాల ఉత్పత్తులు
జామపండు తిన్న తర్వాత పాలు, పెరుగు తీసుకోవడం వల్ల మీ శరీరంలో అనేక సమస్యలు వస్తాయి. ఇది మొదట విటమిన్ సి తో చర్య జరిపి, తరువాత మీ జీర్ణక్రియను నెమ్మదిస్తుంది. ఇది కడుపు నొప్పి, మలబద్ధకానికి కారణమవుతుంది.
జామపండు తిన్న తర్వాత మజ్జిగ తీసుకోవడం వల్ల దీర్ఘకాలిక ఆమ్లత్వం ఏర్పడుతుంది. ఇది మీ కడుపుని ఇబ్బంది పెట్టవచ్చు. కడుపు నొప్పి, వికారం, వాంతికి కూడా కారణమవుతుంది.
అరటిపండు
జామపండు తిన్న వెంటనే అరటిపండు తినకూడదు. జామపండు ఆమ్ల pH కలిగిన పండు, అరటిపండ్లు తియ్యగా ఉంటాయి. వీటిని కలిపి తినడం వల్ల గ్యాస్, తలనొప్పి, కడుపు నొప్పి వంటి సమస్యలు వస్తాయని ఆరోగ్య నిపుణులు హెచ్చరిస్తున్నారు.
ఇవీ చదవండి:
కూలిన తేజస్ జెట్.. పాక్ జర్నలిస్టు సంబరం.. షాకింగ్ వీడియో
బీటెక్లో 17 బ్యాక్లాగ్స్.. అయినా వెనక్కు తగ్గలేదు.. ఐదేళ్లు గడిచేసరికి రూ.1.7 కోట్ల శాలరీ
