Railway Technician Posts: రైల్వేలో 6,238 పోస్టులకు అప్లై చేశారా లేదా.. ఇంకా 3 రోజులే గడువు

మీరు ఐటీఐ చేసి రైల్వే ఉద్యోగాల కోసం చూస్తున్నారా. అయితే ఈ వార్త మీ కోసమే. ఎందుకంటే ఇటీవల రైల్వే బోర్డు నుంచి 6,238 టెక్నీషియన్ పోస్టులకు (Railway Technician Posts 2025) నోటిఫికేషన్ విడుదలైంది. వీటికి అప్లై చేసుకునేందుకు ఇంకా 3 రోజులు మాత్రమే ( ఆగస్టు 7) గడువు ఉంది. అయితే ఈ పోస్టులకు అప్లై చేయాలంటే ఎలాంటి అర్హతలు ఉండాలి, ఈ పోస్టులకు ఎంపికైన తర్వాత నెలకు ఎంత జీతం వస్తుందనే విషయాలను ఇతర విషయాలను ఇప్పుడు తెలుసుకుందాం.

మొత్తం 6238 ఖాళీలు

ఈ రైల్వే రిక్రూట్‌మెంట్ 2025 ద్వారా వివిధ జోన్‌లలో మొత్తం 6238 ఖాళీ పోస్టులను భర్తీ చేస్తారు. వీటిలో టెక్నీషియన్ గ్రేడ్-I సిగ్నల్ పోస్ట్‌లో 183 ఖాళీలు, టెక్నీషియన్ గ్రేడ్-III పోస్ట్‌లో మొత్తం 6055 ఖాళీలు ఉన్నాయి. టెక్నీషియన్ గ్రేడ్ III ఫిట్టర్ (PU & WS) పోస్ట్‌లో అత్యధికంగా 2106 ఖాళీలు ఉన్నాయి.

ఆగస్టు 7లోపు దరఖాస్తు చేసుకోండి

ఈ రైల్వే టెక్నీషియన్ రిక్రూట్‌మెంట్ కోసం దరఖాస్తు ప్రక్రియ జూన్ 28, 2025 నుంచి ప్రారంభమైంది. ఫీజు చెల్లించడానికి చివరి తేదీ 9 ఆగస్టు 2025 రాత్రి 11:59 వరకు ఉంది. దరఖాస్తు చేసుకున్న తర్వాత, అభ్యర్థులు ఆగస్టు 10 వరకు దరఖాస్తు ఫారమ్‌లో ఏవైనా తప్పులు ఉంటే సరిచేసుకోవచ్చు. రైల్వే రిక్రూట్‌మెంట్ పరీక్ష తేదీ ఇంకా ప్రకటించలేదు.

అర్హతలు

టెక్నీషియన్ గ్రేడ్-III (ఓపెన్ లైన్, వర్క్‌షాప్, PU) కోసం అభ్యర్థులు సంబంధిత ట్రేడ్‌లో ITI సర్టిఫికేట్‌తో 10వ తరగతి లేదా PCM సబ్జెక్టులతో 12వ తరగతి ఉత్తీర్ణులై ఉండాలి. అదే సమయంలో టెక్నీషియన్ గ్రేడ్-I సిగ్నల్ పోస్టుకు గుర్తింపు పొందిన విశ్వవిద్యాలయం నుంచి BE/B.Tech, ఇంజనీరింగ్ డిప్లొమా లేదా B.Sc డిగ్రీ కలిగి ఉండాలి.

వయో పరిమితి

టెక్నీషియన్ గ్రేడ్-I సిగ్నల్ పోస్టుల కోసం వయోపరిమితి జూలై 1, 2025 నాటికి 18 నుంచి 33 సంవత్సరాల మధ్య ఉండాలి. టెక్నీషియన్ గ్రేడ్-III పోస్టులకు, వయస్సు 18 నుంచి 30 సంవత్సరాల మధ్య ఉండాలి. రిజర్వ్డ్ కేటగిరీ అభ్యర్థులకు రైల్వే నిబంధనల ప్రకారం వయస్సులో సడలింపు ఇవ్వబడుతుంది.

RRB టెక్నీషియన్ జీతభత్యాలు

• టెక్నీషియన్ గ్రేడ్-I సిగ్నల్ పోస్ట్‌కు పే లెవల్-5 కింద నెలకు రూ. 29,200

• టెక్నీషియన్ గ్రేడ్-III పోస్ట్‌కు పే లెవల్-2 కింద నెలకు రూ. 19,900

• అభ్యర్థులు అధికారిక వెబ్‌సైట్ హోమ్‌పేజీలో CEN నం. 02/2025 టెక్నీషియన్ రిక్రూట్‌మెంట్ 2025పై క్లిక్ చేసి మీ వివరాలను నమోదు చేసి, అప్లై చేసుకోవాలి.

దరఖాస్తు రుసుము

జనరల్/ఓబీసీ/ఇడబ్ల్యుఎస్ కేటగిరీ అభ్యర్థులు రూ. 500, ఎస్సీ/ఎస్టీ/పిహెచ్/మహిళా అభ్యర్థులు రూ. 250 దరఖాస్తు రుసుము చెల్లించాలి. రుసుమును ఆన్‌లైన్‌లో మాత్రమే చెల్లించాలి. ఆఫ్‌లైన్ అప్లికేషన్లు స్వీకరించబడవు.

ఇవి కూడా చదవండి

గల్వాన్ వ్యాలీ వివాదంలో రాహుల్ గాంధీకి సుప్రీంకోర్టు వార్నింగ్

ఆగస్టులో 15 రోజులు బ్యాంకులకు సెలవులు.. ముందే ప్లాన్ చేసుకోండి

మరిన్ని జాతీయ, తెలుగు వార్తల కోసం క్లిక్ చేయండి