ఆ రాశి వారికి ఈ వారం కార్యసిద్ధి, ధనయోగం ఉన్నాయి.. కానీ..

అనుగ్రహం

11 -17 మే 2025

పి.ప్రసూనా రామన్‌

మేషం

అశ్విని, భరణి,

కృత్తిక 1వ పాదం

కార్యసాధనకు ఓర్పు ప్రధానం. ఆలోచనలు నిలకడగా ఉండవు. అవిశ్రాంతంగా శ్రమిస్తారు. కొందరి వ్యాఖ్యలు నీరుగారుస్తాయి. మొండిగా యత్నాలు సాగి స్తారు. వ్యవహారాల్లో ఆచితూచి అడుగేయండి. అనాలోచిత నిర్ణయం నష్టం కలిగిస్తుంది. దుబారా ఖర్చులు విపరీతం. అయినవారు మీ అశక్తతను అర్థం చేసుకుంటారు. పనుల్లో ఆటంకాలెదురైనా ఎట్టకేలకు పూర్తవుతాయి. వివాదాస్పద విషయాల జోలికిపోవద్దు.

వృషభం

కృత్తిక 2,3,4; రోహిణి,

మృగశిర 1,2 పాదాలు

గ్రహస్థితి నిరాశాజనకం. మనో ధైర్యంతో మెలగండి. ఏ విషయాన్నీ సమస్యగా భావించవద్దు. సంకల్పబలంతోనే కార్యం సిద్ధిస్తుంది. చేస్తున్న పనులు మధ్యలో నిలిపివేయవద్దు. చిన్న విషయానికే చికాకు పడతారు. సామరస్యంగా మెలగండి. ఆర్భాటా లకు విపరీతంగా ఖర్చుచేస్తారు. ఆప్తుల సాయంతో ఒక సమస్య సద్దుమణుగుతుంది. పత్రాలు అందుకుంటారు. వేడుకకు హాజరు కాలేరు. వాహనం నడిపేటపుడు జాగ్రత్త.

మిథునం

మృగశిర 3,4; ఆర్ద్ర,

పునర్వసు 1,2,3 పాదాలు

లావాదేవీలతో తీరిక ఉండదు. ప్రలోభాలకు లొంగవద్దు. సావకాశంగా ఆలో చించి నిర్ణయం తీసుకోండి. కొందరి వ్యాఖ్యలు ఉద్రేకపరుస్తాయి. మనోధైర్యం కోల్పోవద్దు. పరిస్థితులు త్వరలో చక్కబడతాయి. నగదు డ్రా చేసేటపుడు జాగ్రత్త. పత్రాల రెన్యువల్‌లో అలక్ష్యం తగదు. కొన్ని తప్పిదాలకు మూల్యం చెల్లించుకోవలసి వస్తుంది. ఒక సంబంధం కుదిరే సూచనలున్నాయి. మీ అభిప్రాయాలను స్పష్టంగా తెలియజేయండి.

కర్కాటకం

పునర్వసు 4వ

పాదం, పుష్యమి, ఆశ్లేష

తలపెట్టిన కార్యం సఫలమవు తుంది. మానసికంగా కుదుటపడతారు. కొత్త యత్నాలు మొదలెడతారు. ప్రభుత్వ కార్యా లయాల్లో పనులు సానుకూలమవుతాయి. విలాసాలకు విపరీతంగా ఖర్చు చేస్తారు. ఒక సమాచారం ఆందోళన కలిగిస్తుంది. నిపుణులతో సంప్రదింపులు జరుపుతారు. ఆరోగ్యం జాగ్రత్త. ఆహార నియమాలు క్రమం తప్పకుండా పాటించండి. పుణ్యక్షేత్రాలు, కొత్త ప్రదేశం సందర్శిస్తారు.

సింహం

మఖ, పుబ్బ,

ఉత్తర 1వ పాదం

శుభకార్యాన్ని ఆర్భాటంగా చేస్తారు. మీ ఆతిథ్యం ఆకట్టుకుంటుంది. పరస్పరం కానుకలిచ్చిపుచ్చుకుంటారు. దూరపు బంధుత్వాలు బలపడతాయి. ధనంపొదుపుగా ఖర్చుచేయండి. ప్రణాళికాబద్థంగా పనులు పూర్తి చేస్తారు. పిల్లల విదేశీ విద్యాయత్నం ఫలిస్తుంది. స్థిరచరాస్తుల వ్యవహారంలో ఏకా గ్రత వహించండి. తొందరపాటు నిర్ణయం తగదు. అనుభవజ్ఞులను సంప్రదించండి.

కన్య

ఉత్తర 2,3,4; హస్త,

చిత్త 1,2 పాదాలు

లావాదేవీలు సంతృప్తినిస్తాయి. రుణవిముక్తులవుతారు. ఖర్చులు విపరీతం. ఆపత్సమయంలో సన్నిహితులు ఆదుకుం టారు. కొత్త పనులకు ప్రణాళికలు వేసుకుం టారు. సోమవారం నాడు అప్రియమైన వార్త వినాల్సి వస్తుంది. కార్యక్రమాలు ముందుకు సాగవు. ఒక ఆహ్వానం సందిగ్ధానికి గురి చేస్తుంది. ఎదుటివారి అభిప్రాయాలకు విలువ ఇవ్వండి. ఏ విషయాన్నీ తేలికగా తీసుకోవద్దు.

తుల

చిత్త 3,4; స్వాతి,

విశాఖ 1,2,3 పాదాలు

శుభసమయం ఆసన్నమైంది. అవకాశాలు కలిసివస్తాయి. విజ్ఞతతో సమ స్యలు పరిష్కరించుకుంటారు. యత్నాలు కార్యరూపం దాల్చుతాయి. లక్ష్యానికి చేరువవు తారు. కొంతమొత్తం పొదుపు చేస్తారు. అంద రితోనూ మితంగా సంభాషించండి. మీ వ్యాఖ్య లను కొందరు తప్పుపడతారు. కీలక విష యాల్లో అప్రమత్తంగా ఉండాలి. మీ సమస్య లను ఆప్తులకు తెలియజేయండి. వేడుకకు హాజరవుతారు.

వృశ్చికం

విశాఖ 4వ పాదం; అనూరాధ, జ్యేష్ఠ

కార్యసిద్ధి, ధనయోగం ఉన్నాయి. సమర్థతను చాటుకుంటారు. ప్రత్యేక గుర్తింపు లభిస్తుంది. ప్రముఖులతో పరిచయాలు ఏర్పడతాయి. సభ్యత్వాలు స్వీకరిస్తారు. వ్యాపకాలు అధికమవుతాయి. అనుకున్న విధంగా పనులు పూర్తి చేస్తారు. ఆహ్వానం అందుకుంటారు. తెగిపోయిన బంధుత్వాలు బలపడతాయి. మీ సిఫార్సుతో ఒకరికి సదవకాశం లభిస్తుంది. శుభకార్యానికి హాజరవుతారు. వెండి, బంగారాలు జాగ్రత్త.

ధనుస్సు

మూల, పూర్వాషాఢ,

ఉత్తరాషాఢ 1వ పాదం

గ్రహసంచారం అనుకూలంగా ఉంది. కొత్తయత్నాలు మొదలెట్టండి. మీ కృషి తక్షణం ఫలిస్తుంది. బంధుత్వాలు, పరిచయాలు బలపడతాయి. వ్యాపకాలు సృష్టించుకుంటారు. ఆర్భాటాలకు విపరీతంగా ఖర్చు చేస్తారు. పనులు సానుకూలమవు తాయి. ఒక సమాచారం తీవ్రంగా ఆలోచింప చేస్తుంది. సోదరుల మధ్య కొత్త విషయాలు ప్రస్తావనకు వస్తాయి. మీ అభిప్రాయాలను స్పష్టంగా తెలియజేయండి.

మకరం

ఉత్తరాషాఢ 2,3,4;

శ్రవణం, ధనిష్ట 1,2 పాదాలు

ఆర్థికంగా పురోగమిస్తారు. పొదుపు ధనం అందుతుంది. అర్థాంతరంగా ముగించిన పనులు పూర్తి చేస్తారు. గృహం ప్రశాంతంగా ఉంటుంది. స్నేహసంబంధాలు వెల్లివిరుస్తాయి. ప్రముఖులను ఆకట్టుకుం టారు. ప్రత్యర్థులతో జాగ్రత్త. ఏ విషయాన్నీ తేలికగా తీసుకోవద్దు. పిల్లల చదువులపై దృష్టి సారిస్తారు. ప్రకటనలు, దళారులను నమ్మవద్దు. ప్రతి విషయం క్షుణ్ణంగా తెలుసు కోండి. ఆప్తులతో తరచూ సంభాషిస్తారు.

కుంభం

ధనిష్ట 3,4; శతభిషం, పూర్వాభాద్ర 1,2,3 పాదాలు

విశేష ఫలితాలున్నాయి. తల పెట్టిన కార్యం విజయవంతమవుతుంది. శుభ కార్యాన్ని ఆర్భాటంగా చేస్తారు. మీ ఆతిథ్యం ఆకట్టుకుంటుంది. కొన్ని ఇబ్బందులు తొలగు తాయి. పనులు మొండిగా పూర్తి చేస్తారు. అవగాహన లేని విషయాల జోలికి పోవద్దు. మీ గౌరవానికి భంగం కలుగకుండా మెలగండి. స్థిరచరాస్తుల వ్యవహారంలో పునరాలోచించండి. తొందరపాటు నిర్ణయం తగదు. న్యాయనిపుణుల సలహా పాటించండి.

మీనం

పూర్వాభాద్ర 4వ

పాదం, ఉత్తరాభాద్ర, రేవతి

కార్యం సిద్థిస్తుంది. సమస్య లను ధైర్యంగా ఎదుర్కొంటారు. మీ కృషి స్ఫూర్తిదాయకమవుతుంది. వ్యతిరేకులు సన్నిహితులవుతారు. పనుల ప్రారంభంలో ఆటంకాలెదురైనా ఎట్టకేలకు పూర్తికాగలవు. ఇతరుల కోసం విపరీతంగా ఖర్చు చేస్తారు. వాయిదాల చెల్లింపుల్లో అశ్రద్థ తగదు. అపరి చితులు మోసగించే ఆస్కారం ఉంది. ప్రలో భాలకు లొంగవద్దు. పత్రాలు అందుకుంటారు. మీ బలహీనతలు అదుపులో ఉంచుకోండి.

ఈ వార్తలు కూడా చదవండి

CBI: రూ.70 లక్షల లంచం డిమాండ్‌

Operation Sindoor: ఇంకా బుద్ధిరాలేదు.. మళ్లీ అవే తప్పుడు కూతలు..

Southwest Monsoon: ముందుగానే నైరుతి రుతుపవనాలు

Shirdi Sai Baba: షిర్డీ సాయిబాబా మందిరంలోకి పూలదండలు, శాలువాలు బంద్‌

Read Latest Telangana News and National News