Hyderabad: చేసేది సెకండ్‌ హ్యాండ్‌ కార్ల వ్యాపారం.. అమ్మేది అక్రమ మద్యం

- రూ. 4 లక్షల విలువైన 105 మద్యం బాటిళ్లు స్వాధీనం

హైదరాబాద్‌ సిటీ: చేసేది సెకండ్‌ హ్యాండ్‌ కార్ల వ్యాపారం.. పాత కార్లు ఎక్కడ కనిపించినా తక్కువ ధరలకు కొనుగోలు చేయడం ఎక్కువ ధరలకు విక్రయించడం. ఇలా వివిధ రాష్ట్రాల్లో తక్కువకు లభించే కార్లను కొనుగోలు చేస్తూ.. అక్కడ తక్కువ ధరకు దొరికే మద్యాన్ని కొనుగోలు చేసి గుట్టుగా నగరానికి అక్రమ రవాణా చేసి ఎక్కువ ధరకు విక్రయిస్తున్న ముఠా ఆటకట్టించారు ఎక్సైజ్‌ ఎస్‌టీఎఫ్‌ పోలీసులు.

ఈ వార్తను కూడా చదవండి: Hyderabad: ఖాళీ కొబ్బరి బొండాలతో.. జర జాగ్రత్త

ఇద్దరిని అరెస్టు చేసి వారి వద్ద నుంచి రూ. 4 లక్షల విలువైన వివిధ రాష్ట్రాలకు చెందిన 105 మద్యం బాటిళ్లను స్వాధీనం చేసుకున్నారు. వివరాల్లోకి వెళితే.. నాగర్‌ కర్నూలు(Nagar Kurnool)కు చెందిన రవీందర్‌ కత్రావత్‌ తరచూ ఢిల్లీ(Delhi) సహా.. ఇతర రాష్ట్రాలకు వెళ్తూ పాత కార్లను కొనుగోలు చేస్తుంటాడు. వాటిని తీసుకువచ్చి హైదరాబాదు(Hyderabad)లో ఎక్కువ ధరలకు విక్రయిస్తుంటాడు. అలా కార్లు కొని వచ్చేటప్పుడు ఢిల్లీలో తక్కువ ధర కలిగిన మద్యం బాటిళ్లను కొని కారు ఢిక్కీలో వేసుకుని హైదరాబాద్‌కు తీసుకొని వస్తాడు.

వాటిని తన మిత్రుడు నాగిరెడ్డికి అందజేస్తాడు. వాటిని ఆయన ఎక్కువ ధరలకు విక్రయిస్తుంటాడు. వచ్చిన డబ్బును ఇద్దరూ పంచుకుంటారు. నాన్‌డ్యూటీ పెయిడ్‌ లిక్కర్‌ను తెచ్చి నగరంలో విక్రయిస్తున్నట్లు సమాచారం అందుకున్న ఎస్‌టీఎఫ్‌ టీం సీఐ నాగరాజు తన సిబ్బందితో కలిసి నాగిరెడ్డి ఇంట్లో దాడులు నిర్వహించారు. పట్టుకున్న బాటిళ్లలో బ్లాక్‌ లేబుల్‌, రెడ్‌ లేబుల్‌, శివాజీ రీగల్‌, సిగ్నేచర్‌, రాయల్‌ గ్రీన్‌, రాయల్‌ చాలెంజ్‌ బ్రాండ్లకు చెందిన మద్యం ఉన్నట్లు సీఐ పేర్కొన్నారు.

ఈ వార్తలు కూడా చదవండి

Operation Sindoor: ఆపరేషన్ సింధూర్.. లైవ్‌లో పాక్ యాంకర్ కన్నీరు..

Operation Sindoor: 300 విమానాల రద్దు 25 విమానాశ్రయాల మూసివేత

Operation Sindoor: సిందూరమే.. సంహారమై

CM Revanth Reddy: అత్యవసర సర్వీసుల సిబ్బంది సెలవులు రద్దు

బలోచ్ లిబరేషన్ ఆర్మీ దాడి..

Read Latest Telangana News and National News