Chennai: తల్లిదండ్రులు చెల్లిపై ప్రేమ చూపిస్తున్నారని..
ABN , Publish Date - May 13 , 2025 | 12:48 PM
తల్లిదండ్రులు చెల్లిపై ప్రేమ చూపిస్తున్నారని.. అక్క ఆత్మహత్య చేసుకున్న విషాద సంఘటన తమిళనాడు రాష్ట్రంలో చోటుచేసుకుంది. సాహిత్య అనే పదిహేనేళ్ల బాలిక తన చెల్లిపై తల్లిదండ్రులు అధిక ప్రేమను చూపుతున్నారంటూ ఉరేసుకుని ఆత్మహత్యకు పాల్పడింది. దీంతో వారి కుటుంబంలో విషాదం నెలకొంది
- అక్క ఆత్మహత్య
చెన్నై: తల్లిదండ్రులు చెల్లెలుపై ఎక్కువ ప్రేమ చూపుతున్నారంటూ 10వ తరగతి విద్యార్థిని ఆత్మహత్యకు పాల్పడిన ఘటన కోయంబత్తూర్లో చోటుచేసుకుంది. పాపనాయకన్పాళయం పళయూరుకు చెందిన సురేష్కుమార్ పెద్దకుమార్తె సాహిత్య (15) టెన్త్ చదువుతోంది. చిన్నకుమార్తె మూడవ తరగతి చదువుతోంది. సాహిత్య-ఆమె చెల్లి మధ్య ఏడేళ్ల వ్యత్యాసం ఉంది. తల్లిదండ్రులు... నీ కంటే చెల్లెలు చిన్నది, దాని అవసరాలు నువ్వే చూసుకోవాలని చెబుతుండేవారు.
ఈ వార్తను కూడా చదవండి: Viral Fevers: సీజన్ కాకున్నా.. వ్యాపిస్తున్న వైరల్ జ్వరాలు
దీంతో తన కంటే చెల్లెలు అంటే తల్లిదండ్రులకు ఇష్టమని సాహిత్య బాధపడుతుండేది. ఘటన జరిగిన రోజున చిన్నకుమార్తె మొక్కజొన్నలు కావాలని కోరగా తల్లి సాహిత్యను మొక్కజొన్నల కోసం పంపింది. దుకాణానికి వెళ్లి మొక్కజొన్నలు తీసుకురాగా, తల్లి చెల్లెలను ఒళ్లో కూర్చొబెట్టుకుని మొక్కజొన్నలు తినిపించడం చూసి సాహిత్య మనస్తాపం చెందింది. వెంటనే తన గదిలోకి వెళ్లిన సాహిత్య ఫ్యానుకు ఉరేసుకుని ఆత్మహత్యకు పాల్పడింది.
సాహి త్య బయటకు రాకపోవడంతో అనుమానించిన తల్లిదండ్రులు లోనికి వెళ్లి చూడగా, ఫ్యానుకు ఉరేసుకున్న సాహిత్యను చూసి బోరున విలపించారు. సమాచారం అందుకున్న రేస్కోర్స్ పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించి, ఘటనపై కేసు నమోదుచేసి దర్యాప్తు చేపట్టారు.
ఈ వార్తలు కూడా చదవండి
Gold Rate Today: బంగారం కొనాలనుకునే వారికి గుడ్న్యూస్.. తగ్గిన బంగారం ధరలు
Maoists: గిరిజనుడిని హత్య చేసిన మావోయిస్టులు
Secret War Manual: యుద్ధంలో నడిపించిన రహస్య గైడ్
Read Latest Telangana News and National News
