TS NEWS: ఫార్ములా ఈ-రేస్ రద్దుపై కాంగ్రెస్ నేత ఏమన్నారంటే..?
ABN , Publish Date - Jan 09 , 2024 | 04:22 PM
ఫార్ములా ఈ-రేస్ ( Formula E-Race ) వల్ల ట్రాఫిక్ సమస్యలు తప్ప పైసా ఉపయోగం లేదని టీపీసీసీ అధికార ప్రతినిధి సామ రామ్మోహన్రెడ్డి ( Sama Rammohan Reddy ) తెలిపారు.
![TS NEWS: ఫార్ములా ఈ-రేస్ రద్దుపై కాంగ్రెస్ నేత ఏమన్నారంటే..?](https://media.andhrajyothy.com/media/2023/20231205/Sama_Ram_Mohan_Reddy_97d8e37580.jpg)
హైదరాబాద్: ఫార్ములా ఈ-రేస్ ( Formula E-Race ) వల్ల ట్రాఫిక్ సమస్యలు తప్ప పైసా ఉపయోగం లేదని టీపీసీసీ అధికార ప్రతినిధి సామ రామ్మోహన్రెడ్డి ( Sama Rammohan Reddy ) తెలిపారు. మంగళవారం నాడు గాంధీభవన్లో ఆయన మీడియాతో మాట్లాడుతూ... గత బీఆర్ఎస్ ప్రభుత్వం నగరంలో ఫార్ములా ఈ-రేస్ పెట్టి ప్రజాధనం వృథా చేసిందని చెప్పారు. హెచ్ఎండీఏ నుంచి రూ.55 కోట్లు బదిలీ ఎలా జరిగింది అని ప్రశ్నించారు. ప్రభుత్వం అనుమతి లేకుండా ఇండివిజ్యువల్ అగ్రిమెంట్ ఎలా చేస్తారని నిలదీశారు. ఫార్ములా ఈ-రేస్లో పాత్రధారుడు అరవింద్కుమార్, సూత్రదారుడు కేటీఆర్ అని చెప్పారు. ఫార్ములా ఈ-రేస్ని రద్దు చేస్తే స్పందించిన కేటీఆర్.. మెమో జారీ చేస్తే ఎందుకు స్పందించడం లేదని నిలదీశారు. ప్రజాపాలన దరఖాస్తులను సిస్టమ్లో అప్డేట్ చేసే ప్రక్రియ జరుగుతోందని సామ రామ్మోహన్రెడ్డి పేర్కొన్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి...