విశాఖ ఎయిర్‌పోర్టులో మంత్రి లోకేష్‌కు ఘన స్వాగతం..

విశాఖ: రాష్ట్ర మానవ వనరుల అభివృద్ధి, ఐటీ శాఖల మంత్రి నారా లోకేశ్‌ బుధవారం రాత్రి విశాఖ విచ్చేశారు. మంత్రిగా బాధ్యతలు చేపట్టిన తరువాత తొలిసారి నగరానికి వచ్చిన ఆయనకు విమానాశ్రయంలో పార్టీ నాయకులు, కార్యకర్తలు ఘనంగా స్వాగతం పలికారు. పార్టీ రాష్ట్ర అధ్యక్షుడు పల్లా శ్రీనివాసరావు, ఎంపీ ఎం.శ్రీభరత్‌, ఎమ్మెల్యేలు గంటా శ్రీనివాసరావు, వెలగపూడి రామకృష్ణబాబు, పి.గణబాబు, బండారు సత్యనారాయణమూర్తి, కేఎస్‌ఎన్‌ఎస్‌ రాజు, ఎమ్మెల్సీలు దువ్వారపు రామారావు, వేపాడ చిరంజీవిరావు, విశాఖపట్నం, అనకాపల్లి పార్లమెంటరీ నియోజకవర్గాల పార్టీ అధ్యక్షులు గండి బాబ్జీ, బత్తుల తాతయ్యబాబు, ముఖ్య అధికారులు.. తదితరులు పుష్పగుచ్ఛాలతో ఘన స్వాగతం పలికారు.