Tirumala: తిరుమలలో భారీ వర్షం

తిరుపతి జిల్లా: తిరుమలలో గురువారం భారీ వర్షం కురిసింది. అల్పపీడనం ప్రభావంతో తిరుపతిలో వర్షాలు కురుస్తున్నాయి. ఎడతెరిపి లేకుండా వర్షం కురుస్తుండటంతో భక్తులు ఇబ్బందులు పడ్డారు. రోడ్లు జలమయం అయ్యాయి. దీంతో వాహనాల రాకపోకలకు అంతరాయం ఏర్పడింది. నైరుతి బంగాళాఖాతంలో అల్పపీడనం కారణంగా తెలుగు రాష్ట్రాల్లో నాలుగు రోజుల పాటు వర్షాలు కురుస్తాయని వాతావరణశాఖ తెలిపింది. ప్రజలు అప్రమత్తంగా ఉండాలని అధికారులు హెచ్చరించారు.