Taj Mahal: తాజ్‌మహల్‌ను శివాలయంగా ప్రకటించాలని కోర్టులో కొత్త పిటిషన్ దాఖలు

తాజ్ మహల్‌(Taj Mahal)ను హిందూ దేవాలయం తేజో మహాలయగా(Shiva temple) ప్రకటించాలని డిమాండ్ చేస్తూ ఉత్తరప్రదేశ్‌(Uttar Pradesh) ఆగ్రాలోని కోర్టు(agra court)లో కొత్త పిటిషన్(petition) దాఖలైంది. శ్రీకృష్ణ జన్మస్థాన్ సేవా సంఘ్ ట్రస్ట్ తాజ్ మహల్‌ను తేజోలింగ మహాదేవ్ ఆలయంగా అభివర్ణించింది. ట్రస్ట్ సివిల్ కోర్టు జూనియర్ విభాగంలో ఈ దావా వేశారు. ఈ కేసు విచారణ ఏప్రిల్ 9న జరగనుంది. బుధవారం దాఖలు చేసిన పిటిషన్‌లో అన్ని ఇస్లామిక్ కార్యకలాపాలను నిలిపివేయాలని, ప్రార్థనా స్థలానికి అనుచితమైన ఏవైనా ఇతర పద్ధతులను ఇవ్వాలని కోరింది.

పిటిషనర్ వివిధ చారిత్రక పుస్తకాలను ఉదహరిస్తూ తేజోలింగ మహాదేవ్ ఆలయ నిర్మాణం తాజ్ మహల్‌గా గుర్తించబడటానికి ముందే ఉందని తన వాదనలో పేర్కొన్నారు. తాజ్‌మహల్‌ను శివాలయంగా ప్రకటించాలని కోరుతూ పలుమార్లు ఇప్పటికే పిటిషన్లు దాఖలయ్యాయి. వీటిలో కొన్ని పిటిషన్లు కొట్టివేయగా, మరికొన్ని పెండింగ్‌లో ఉన్నాయి. ట్రస్ట్ ఛైర్మన్, న్యాయవాది అజయ్ ప్రతాప్ సింగ్(Ajay Pratap Singh) మాట్లాడుతూ తాను 2023 సంవత్సరంలో ఆర్కియాలజికల్ సర్వే ఆఫ్ ఇండియా అధికారి నుంచి సమాచారాన్ని తీసుకున్నట్లు చెప్పారు. తాజ్‌మహల్‌ నిర్మాణం గురించి తాను పరిశోధన చేసినట్లు చెప్పారు.

అన్నింటినీ విశ్లేషించిన తర్వాత తాజ్ మహల్ ఉనికి కంటే ముందే తేజోలింగం మహాదేవుని ఆలయం ఉందని రుజువైందని న్యాయవాది(Ajay Pratap Singh) అన్నారు. ఈ న్యాయవాది జనవరి 1, 2024న దావా వేశారు, దీనిలో సివిల్ ప్రొసీజర్ కోడ్ సెక్షన్ 80 (1) ప్రకారం విచారణను పూర్తి చేయాలని కోరారు. ఆ క్రమంలో పలువురికి నోటీసులు పంపారు. దాని రెండు నెలల కాలపరిమితి కూడా దాటిపోయింది. ఈ నేపథ్యంలో బుధవారం మళ్లీ దావా వేశారు.

మరిన్ని తాజా వార్తల కోసం ఇక్కడ క్లిక్ చేయండి: Viral Video: భారత సంతతి వైద్యురాలికి ఎలాన్ మస్క్ సాయం!