Hyderabad: అడ్డగుట్టలో చెలరేగిపోతున్న నైట్‌ గ్యాంగ్‌..

హైదరాబాద్: తుకారాంగేట్‌ పోలీస్‌ స్టేషన్‌ పరిధిలో నైట్‌గ్యాంగ్‌(Nightgang) దొంగలు చెలరేగిపోతున్నారు. పలు ప్రాంతాల్లో ఇంటి ముందు పార్కు చేసి ఉన్న బైకులను ఎత్తుకెళ్లిపోతున్నారు. రాత్రి అయిందంటే చాలు తుకారాంగేట్‌ అడ్డగుట్ట ప్రాంతవాసులు భయానికి గురవుతున్నారు. అడ్డగుట్ట లోహియానగర్‌కు చెందిన అనురాధ యాక్టీవా బైక్‌ను శుక్రవారం రాత్రి పార్కు చేయగా తెల్లారేసరికి కనిపించలేదు. అదేవిధంగా తుకారాంగేట్‌లోని ఇందిరాలక్ష్మీనగర్‌(Indira Laxminagar) బస్తీలో పార్కు చేసిన బైకును మారు తాళాలతో చోరీ చేస్తుండగా దొంగను రెడ్‌హ్యాండెడ్‌గా పట్టుకుని దేహశుద్ధి చేసి తుకారాంగేట్‌ పోలీసులకు అప్పగించారు.

ఇదికూడా చదవండి: Hyderabad: మియాపూర్‌లో రణరంగం.. పోలీసులపై రాళ్లతో మహిళల దాడి..

రైల్‌ నిలయం అంబేడ్కర్‌నగర్‌కు చెందిన ఉపేందర్‌ ఇంటి ముందు పార్కు చేసిన ఆటోను దొంగిలించారు. ఎక్కడైతే నేరాలు జరుగుతున్నాయో అక్కడ సీసీ కెమెరాలు పనిచేయడంలేదని పోలీసులు సులువుగా సమాధానం చెబుతున్నారు. రాత్రి సమయంలో తుకారాంగేట్‌ పోలీస్‌స్టేషన్‌ కానిస్టేబుళ్లు పెట్రోలింగ్‌ చేయకపోవడంతో నైట్‌గ్యాంగ్‌ దొంగలు పేట్రేగిపోతున్నారని స్థానికులు విమర్శిస్తున్నారు.

ఇదికూడా చదవండి: Hyderabad: మీపై ఫెమా కేసు.. అరెస్ట్‌ తప్పదంటూ బెదిరింపులు

Read Latest Telangana News and National News

Read Latest AP News and Telugu News