Pawan Kalyan: ఎన్నికల వేళ కులగణన ఎందుకు జగన్..!?
ABN , Publish Date - Jan 26 , 2024 | 10:22 PM
సీఎం జగన్మోహన్ రెడ్డి (CM JAGAN) కి జనసేన అధినేత పవన్ కళ్యాణ్(Pawan Kalyan) శుక్రవారం నాడు ఎక్స్ వేదికగా ఓ లేఖ రాశారు. ‘AP కుల ఆధారిత జనాభా లెక్కలు' కు సంబంధించి వైసీపీ ప్రభుత్వానికి కొన్ని ప్రశ్నలను ఈ లేఖలో సంధించారు.
అమరావతి: ఏపీ సీఎం జగన్మోహన్ రెడ్డి (CM JAGAN) కి జనసేన అధినేత పవన్ కళ్యాణ్(Pawan Kalyan) శుక్రవారం నాడు ఎక్స్ వేదికగా ఓ లేఖ రాశారు. ‘AP కుల ఆధారిత జనాభా లెక్కలు' కు సంబంధించి వైసీపీ ప్రభుత్వానికి కొన్ని ప్రశ్నలను ఈ లేఖలో సంధించారు. ఎన్నికల్లో అవకతవకలకు పాల్పడకుండా చూడాలని సూచించారు. తనపై విమర్శలు చేయకుండా ఈ లేఖలో చెప్పిన సలహాలను పాటిస్తారని ఆశిస్తున్నానని పవన్ కళ్యాణ్ తెలిపారు.
ఈ లేఖలో పవన్ ఏం చెప్పారంటే...
► ఈ కులగణన ఉద్దేశం మీకు ఎన్నికల ముందే ఎందుకు వచ్చింది?
► ఈ ప్రక్రియ కారణాలు వివరిస్తూ మీరు ఎందుకు ఏ విధమైన ప్రభుత్వపరమైన గెజిట్ నోటిఫికేషన్ విడుదల చెయ్యలేదు?
► ఇది రాజ్యాంగం మా అందరికీ ఆర్టికల్ 21 ప్రకారం చెప్పిన వ్యక్తిగత గోప్యత, భద్రతా, స్వేచ్ఛ హరించడం కాదా?
► కులగణన మీ ఉద్దేశం ఐతే, మరి మీకు ఉపకులం, ఆదాయం, భూమి యాజమాన్యం వివరాలు, కోళ్లు, మేకలు, ఆవులు, గేదలు ఇవన్నీ ఎందుకు?
► బీహార్ ప్రభుత్వం చేసిన కులగణన సుప్రీమ్ కోర్టులో ఉన్న నేపథ్యంలో, గౌరవ సుప్రీమ్ కోర్ట్ తన తీర్పుని ప్రకటించక ముందే మీరు మీ స్వీయ ప్రయోజనాలకు ఎందుకు ప్రజాధనాన్ని వృథా చేస్తున్నారు?
► జనగణన ఒక సంక్షిప్తమైన ప్రక్రియ, ఇది ఎంతో మంది నిపుణలతో చెయ్యవలసిన ప్రక్రియ, మీ వలంటీర్లకు ఆ అర్హత, సామర్థ్యాలు ఎలా ఉన్నాయ్ అని నిర్ధారించారు?
► ఇలాంటి డేటా సేకరణ ప్రక్రియ గతంలో కేంబ్రిడ్జ్ సర్వే చేసినప్పుడు అది ఏ విధంగా సమాజంలో అశాంతిని, అల్లర్లకు ప్రేరేపించాయి అనే విషయం మీకు తెలియదా? వాటిని ఎన్నికల కోసం స్వీయ ప్రయోజనాలకు మీరు ఎలా వాడుకున్నారో మాకు తెలియదు అనుకుంటున్నారా?
► ఇవన్నీ మీ అధికార దాహానికి ప్రతీక కాదా? ఒక వేళ కాకపొతే, ఇలా సేకరించిన డేటా ఏ విధమైన దుర్వినియోగం జరగకుండా మీరు తీసుకున్న నిర్ణయాలు ఏమిటి?
► ప్రజల నుంచి డేటా సమ్మతి అనేది మీరు ఎలా తీసుకుంటున్నారు? అందరూ మీ నియంతృత్వానికి తలవంచుతారు అనుకుంటున్నారా?
► ప్రభుత్వ వనరులను, ప్రభుత్వ యంత్రాంగాన్ని స్వీయ ప్రయోజనాలకు వాడుకోవడం, దేశ రాజ్యాంగానికి, ప్రజాస్వామ్యానికి తూట్లు పోడవటం కాదా?
► వలంటీర్లు ద్వారా వైసీపీ ప్రభుత్వం సేకరిస్తున్న కుల గణన, ఇతర వివరాలను ఏ కంపెనీ భద్రపరుస్తారుసుంది అనే అంశంపై శ్వేత పత్రం విడుదల చెయ్యాలి.
► వైసీపీ ప్రభుత్వం చేస్తున్న రాజ్యాంగ వ్యతిరేక కార్యక్రమాలపై రాజకీయంగానే న్యాయ పరమైన మార్గాలను కూడా విశ్లేషించే దిశగా ఆలోచిస్తాం అని పవన్ కళ్యాణ్ ఈ లేఖలో పేర్కొన్నారు.
