మీ దగ్గర రూ.10 కాయిన్స్ ఉన్నాయా..? అయితే ఈ వార్తను మీరు తప్పకుండా చదివి తీరాల్సిందే..!
ABN , First Publish Date - 2023-02-04T20:17:37+05:30 IST
తినుబండారాల దగ్గర నుంచి వివిధ రకాల వస్తువుల వరకూ అన్నీ నకిలీమయమయ్యాయి. చూడటానికి అచ్చం ఒరిజినల్‌లా ఉన్నా.. చివరకు నకిలీవని తెలసుకుని అవాక్కవడం మన వంతవుతుంటుంది. ఇక నకిలీ నోట్ల గురించి ప్రత్యేకంగా..
తినుబండారాల దగ్గర నుంచి వివిధ రకాల వస్తువుల వరకూ అన్నీ నకిలీమయమయ్యాయి. చూడటానికి అచ్చం ఒరిజినల్‌లా ఉన్నా.. చివరకు నకిలీవని తెలుసుకుని అవాక్కవడం మన వంతవుతుంటుంది. ఇక నకిలీ నోట్ల గురించి ప్రత్యేకంగా చెప్పాల్సిన పని లేదు. తరచూ ఎక్కడో చోట పెద్ద ఎత్తున నకిలీ నోట్లను తయారు చేయడం, పట్టుబడడం చూస్తూనే ఉన్నాం. అయితే అక్రమార్కులు రోజు రోజుకూ తెలివిమీరిపోతున్నారు. ఎవరికీ అనుమానం రాకుండా ఏకంగా రూ.10లు కాయిన్స్‌ను కూడా నకిలీవి తయారు చేస్తున్నారు. వివరాల్లోకి వెళితే..
హర్యానాలో (Haryana) నకిలీ రూ.10ల నాణేలు తయారవుతున్నాయని ఢిల్లీ పోలీసులు (Delhi Police) గుర్తించారు. 2022 ఏప్రిల్‌లో హర్యానాలోని చార్కి దాద్రీలో నకిలీ నాణేలు (Fake coins) తయారు చేస్తున్న యంత్రాల యూనిట్‌ను స్వాధీనం చేసుకున్నారు. ఈ కేసులో ప్రధాన సూత్రధారి నరేష్ కుమార్‍‌తో పాటూ ఐదుగురిని అరెస్ట్ చేశారు. ఈ ముఠాలోని జిగ్నేష్ గాలా అనే వ్యక్తిని ఇటీవలే అరెస్ట్ చేశారు. అయితే ఈ 10 నెలల విచారణలో హర్యానాలోని చర్కీ దాద్రీ ఫ్యాక్టరీలో కాకుండా మరికొన్ని ప్రాంతాల్లోని ప్రధాన ఫ్యాక్టరీల్లో యంత్రాలను తయారు చేస్తున్నట్లు విచారణలో వెళ్లడైంది. సదరు ఫ్యాక్టరీ నుంచి వివిధ ప్రాంతాలకు యంత్రాలను సరఫరా చేస్తున్నట్లు తెలిసింది.
ఇటీవల అరెస్టయిన గాలా.. ముంబైలోని (Mumbai) మలాడ్ వెస్ట్ నివాసి అని పోలీసులు తెలిపారు. సదరు నిందితుడు యంత్రాలను దిగుమతి చేసుకుని, దేశంలోని వివిధ ప్రాంతాల్లో ఉన్న నకిలీ నాణేల తయారీ ముఠాలకు సరఫరా చేస్తున్నారని చెప్పారు. జిగ్నేష్ గాలా నుంచి రూ.9.46లక్షల విలువైన నాణేలను పోలీసులు స్వాధీనం చేసుకున్నారు. వీటిలో రూ.94,600 విలువైన రూ.10లు నాణేలు ఉన్నాయి. గాలా అరెస్ట్తో పోలీసులు విచారణను వేగవంతం చేశారు. ఢిల్లీ, ముంబై పోలీసులు త్వరలో హర్యానాకు వచ్చే అవకాశం ఉన్నట్లు తెలుస్తోంది. మొత్తానికి నకిలీ నాణేల తయారీ వ్యవహారం హర్యానాలో తీవ్ర చర్చనీయాంశంగా మారింది.
Viral Video: వృద్ధురాలికి ఆరోగ్యం బాలేదని తెలుసుకున్న కొండముచ్చు.. ఏం చేసిందో చూడండి..
