ప్రతి కొత్త కోవిడ్-19 వేరియంట్‌తో ఒకటి లేదా మరొక కొత్త లక్షణం వస్తుంది. వాసన, రుచి కోల్పోవడం నుండి కండరాల నొప్పి, దగ్గు, జలుబు వరకు శ్వాస సమస్యల వరకు - కరోనావైరస్ సంక్రమణ అభివృద్ధి చెందడంతో, దాని లక్షణాలు మారుతూనే ఉన్నాయి. తాజా నివేదికల ప్రకారం, కొత్త Omicron సబ్‌వేరియంట్ XBB.1.16 కండ్లకలకకు కారణం కావచ్చు. కళ్ళు ఎరుపు, దురద, ముఖ్యంగా చిన్న పిల్లలలో ఈ లక్షణాలు ఎక్కువగా ఉంటాయి. వేసవి కాలం పిల్లలకి, పెద్దలకి మద్రాస్ ఐ అని పిలిచే కండ్లకలక వ్యాధి వచ్చే అవకాశం ఎక్కువగా ఉంటుంది. దీని లక్షణాల్లో కంటి తెల్లని భాగాన్ని, కనురెప్పల లోపలి ఉపరితలాన్ని కప్పి ఉంచే సన్నని, పారదర్శక పొర పెరిగి కంటికి ఇబ్బంది కలిగించే వ్యాధి. ఈ పరిస్థితి బాక్టీరియల్, వైరల్ ఇన్ఫెక్షన్ (Adenoviral conjunctivitis) లేదా అలెర్జీ ప్రతిచర్య వలన సంభవించవచ్చు.

అంటుకునే కళ్లతో, దురదతో కూడిన కండ్లకలక ఇప్పుడు ప్రబలంగా ఉంది.

చాలా మంది పిల్లలు కోవిడ్-19 ఇన్ఫెక్షన్ తర్వాత కండ్లకలకను అభివృద్ధి చేస్తున్నారు. ఇది తాజా Omicron సబ్ వేరియంట్ XBB 1.16 కారణంగా వస్తుంది.. అధిక జ్వరం, జలుబు, దగ్గుతో చికిత్స పొందిన పిల్లలలో సాధారణంగా ఈ ధోరణి కనిపిస్తుంది.

కండ్లకలక లక్షణాలు..

కండ్లకలక వచ్చినపుడు కళ్ళు ఎరుపు, వాపు, దురద, కళ్ళ నుండి నీరు కారడం, కనురెప్పల చుట్టూ క్రస్ట్‌లు ఉంటాయి. అయితే ఈ లక్షణాలు పిల్లల నుంచి పెద్దలకు, పెద్దల నుంచి పిల్లలకు వ్యాపించవచ్చు. టవల్స్, డోర్ హ్యాండిల్స్ , కంటి చుక్కలు వంటి వాటినుంచి సంక్రమణ వ్యక్తి నుండి వ్యక్తికి వ్యాపిస్తుంది. ఈ ఇన్ఫెక్షన్ ఏ వయసు వారినైనా ప్రభావితం చేయవచ్చు.

ఇన్‌ఫెక్షన్‌ను అరికట్టడానికి లక్షణాలు..

అదృష్టవశాత్తూ, కండ్లకలక వ్యాప్తిని నివారించడానికి, ఇన్ఫెక్షన్ సంక్రమించే ప్రమాదాన్ని తగ్గించడానికి అనేక దశలున్నాయి.

ఇది కూడా చదవండి: లక్కీ బాంబూ ప్లాంట్ ఏ దిశలో ఉండాలో తెలుసా..? గాజు పాత్రలోనే ఎందుకు నాటాలంటే..!

కండ్లకలక నివారణకు చిట్కాలు

1. వీలైనంత తరచుగా చేతులు కడుక్కోండి.

ముఖ్యంగా ముఖాన్ని తాకిన తర్వాత తరచుగా చేతులు కడుక్కోవాలి. దీనికి సబ్బు, వెచ్చని నీటిని వాడండి. శుభ్రమైన టవల్ తో చేతులు తుడుచుకోవాలి.

2. కళ్లను తాకడం మానుకోండి.

వీలైనంత వరకు చేతులతో కళ్లను తాకకుండా ఉండేందుకు ప్రయత్నించండి. కళ్లను తాకడం వల్ల ఎటువంటి సమస్యలు తలెత్తకుండా చూసుకోవడానికి, క్రమం తప్పకుండా చేతులు కడుక్కోవడం, శుభ్రంగా ఉంచుకోవడం అవసరం.

3. శుభ్రత అవసరం..

దిండ్లు, బెడ్‌స్ప్రెడ్‌లు, కంటి చుక్కలు, మేకప్ వంటి వ్యక్తిగత వస్తువులను ఇతరులతో పంచుకోవద్దు.

4. దూరంగా ఉండండి.

కండ్లకలక ఉన్న వ్యక్తులు పూర్తిగా కోలుకునే వరకు వారితో సన్నిహితంగా మానండి.

ఇది కూడా చదవండి: ఏంటి మీరు రిచ్చా.. అయితే బంగారం తింటారా అనకండి..! ఇప్పుడు బంగారాన్ని కూడా తినచ్చట..!

5. సన్ గ్లాసెస్ ధరించండి.

కండ్లకలకకు కారణమయ్యే దుమ్ము, ఇతర చికాకుల నుండి కళ్ళను రక్షించడానికి సన్ గ్లాసెస్ ధరించండి. ఫోటోసెన్సిటివిటీని నివారించడానికి డార్క్ గ్లాసెస్ వాడండి.

6. పరిసరాలను శుభ్రంగా ఉంచుకోవాలి.

డోర్క్‌నాబ్‌లు, కౌంటర్‌ టాప్‌లు, బాత్రూమ్ ఫిక్చర్‌లు వంటి తరచుగా తాకిన వాటిని శుభ్రపరచండి.

7. కాంటాక్ట్ లెన్స్‌లను ఉపయోగించడం మానుకోవాలి.

ఇన్ఫెక్షన్ పూర్తిగా క్లియర్ అయ్యే వరకు కాంటాక్ట్ లెన్స్‌లను ఉపయోగించడం మానేయాలి.

8. వైద్య సహాయం తీసుకోండి.

కండ్లకలక లక్షణాలను గుర్తించగానే, వెంటనే వైద్య సహాయం కోరడం మంచిది. డాక్టర్ యాంటీబయాటిక్స్ లేదా యాంటీవైరల్ మందులను సూచించవచ్చు. ఇది ఇన్ఫెక్షన్ క్లియర్ అయ్యే వరకు స్వీయ నిర్భంధంలో ఉండటం అన్ని విధాలా మంచిది. ఈ లక్షణాల నుండి రక్షించుకోవడానికి సరైన జాగ్రత్తలు తీసుకోవడం కూడా ముఖ్యమే.