తెలంగాణ అటవీ శాఖలో కీలక మార్పులు.. హెచ్ఓఎఫ్ఎఫ్ డా. సి. సువర్ణ పదవీ విరమణ
ABN , Publish Date - Jun 26 , 2026 | 03:45 PM
తెలంగాణ అటవీ శాఖలో ప్రభుత్వం కీలక మార్పులు చేపట్టింది. రాష్ట్ర హెడ్ ఆఫ్ ఫారెస్ట్ ఫోర్స్ డా. సి. సువర్ణ ఈనెల 30న పదవీ విరమణ చేయనున్నారు.
హైదరాబాద్, జూన్ 26: తెలంగాణ అటవీ శాఖలో ప్రభుత్వం కీలక మార్పులు చేపట్టింది. రాష్ట్ర హెడ్ ఆఫ్ ఫారెస్ట్ ఫోర్స్(HoFF) డా. సి. సువర్ణ ఈనెల 30న పదవీ విరమణ చేయనున్నారు. ఈ నేపథ్యంలో సువర్ణను ప్రభుత్వ సేవల నుంచి రిలీవ్ చేయాలని రాష్ట్ర ప్రభుత్వం ఉత్తర్వులు జారీ చేసింది. డా.సి.సువర్ణ పదవీ విరమణతో.. ఆ స్థానంలో సీనియర్ ఐఎఫ్ఎస్ అధికారి వినయ్ కుమార్కు హెచ్ఓఎఫ్ఎఫ్(HoFF) పూర్తి అదనపు బాధ్యతలను అప్పగించింది.
తదుపరి ఉత్తర్వులు వెలువడే వరకు వినయ్ కుమార్ ఈ బాధ్యతలను కొనసాగించనున్నట్లు ప్రభుత్వం స్పష్టం చేసింది. ఈ మేరకు తెలంగాణ ప్రభుత్వం జీఓ ఆర్టీ నెం. 915ను విడుదల చేసింది. రాష్ట్ర అటవీ శాఖ పరిపాలనా వ్యవహారాలు నిరంతరాయంగా కొనసాగేందుకు ఈ నిర్ణయం తీసుకున్నట్లు రాష్ట్ర ప్రభుత్వం ఉత్తర్వుల్లో పేర్కొంది.
ఇవి కూడా చదవండి..
నిజమైన రైతులకు మాత్రమే సబ్సిడీ ఎరువులు: మంత్రి అచ్చెన్నాయుడు
ఘనంగా రొట్టెల పండుగ.. ఏర్పాట్లను పరిశీలించిన మంత్రి నారాయణ
Read Latest AP News And Telugu News
