బీజేపీ పాదయాత్రలో అమిత్ షా.. నగరంలో నేడు ట్రాఫిక్ ఆంక్షలు

హైదరాబాద్, నవంబర్ 02: నగరంలో నేడు బీజేపీ ఆధ్వర్యంలో మహా పాదయాత్ర జరగనుంది. కేంద్ర హోం శాఖ మంత్రి అమిత్ షా పర్యటించనున్నారు. ఈ నేపథ్యంలో ట్రాఫిక్ ఆంక్షలు విధించినట్లు పోలీసులు వెల్లడించారు. సోమవారం మధ్యాహ్నం 1.00 నుంచి 7.00 గంటల వరకు ఈ ట్రాఫిక్ ఆంక్షలు అమలులో ఉంటాయని తెలిపారు. బాబు జగ్జీవన్ రాం (బీజేఆర్) విగ్రహం నుంచి ఎంజే మార్కెట్ వరకు ఈ పాదయాత్ర జరగనుంది. దీంతో బీజేఆర్ విగ్రహం, లిబర్టీ, బషీర్‌బాగ్, ఎంజే మార్కెట్ పరిసర ప్రాంతాల్లో ట్రాఫిక్ ఆంక్షలు అమల్లో ఉంటాయని పోలీసులు వివరించారు.

ట్రాఫిక్ ఆంక్షలు ఇలా..

• ఏఆర్ పెట్రోల్ పంప్ నుంచి బీజేఆర్ విగ్రహం వైపు వచ్చే వాహనాలు నాంపల్లి రైల్వే స్టేషన్ వైపు మళ్లిస్తారు.

• జాంబాగ్, అఫ్జల్‌గంజ్ నుంచి జీపీఓ వైపు వచ్చే వాహనాలు ఎంజే మార్కెట్ వద్ద తాజ్ ఐలాండ్ వైపు మళ్లిస్తారు.

• లిబర్టీ నుంచి బీజేఆర్ విగ్రహం వైపు వచ్చే వాహనాలను అనుమతి లేదు. వాటిని హిమాయత్‌నగర్ వైపు మళ్లిస్తారు.

• హిమాయత్‌నగర్ నుంచి వచ్చే వాహనాలు లిబర్టీ వద్ద పాత అంబేద్కర్ విగ్రహం, ట్యాంక్‌బండ్ వైపు మళ్లిస్తారు.

• బషీర్‌బాగ్, కింగ్‌కోఠి, బొగ్గులకుంట, అబిడ్స్ పరిసరాల్లోనూ ట్రాఫిక్ మళ్లిస్తారు.

• ఎంజే మార్కెట్ నుంచి జీపీఓ, నాంపల్లి స్టేషన్ రోడ్డు వైపు వాహనాలకు అనుమతి లేదు..

• జీపీఓ నుంచి ఎంజే మార్కెట్ వైపు వాహనాల రాకపోకలు నిలిపివేత.

• లిబర్టీ, రవీంద్రభారతి, బషీర్‌బాగ్, బీజేఆర్ విగ్రహం జంక్షన్ల వైపు వెళ్లవద్దని సూచన.

• ఎంజే మార్కెట్, అఫ్జల్‌గంజ్, జాంబాగ్, తాజ్ ఐలాండ్ పరిసరాల్లో ట్రాఫిక్ రద్దీ ఏర్పడే అవకాశం ఉంది.

• నాంపల్లి, అబిడ్స్, రామ్‌కోటి, కోఠి, చాదర్‌ఘాట్ మార్గాల్లోనూ ట్రాఫిక్ ఆంక్షలు అమల్లో ఉంటాయి.

• ఆర్టీసీ బస్సుల రూట్లలోనూ మార్పులు.. ప్రత్యామ్నాయ మార్గాల్లో బస్సుల మళ్లిస్తారు.

• నాంపల్లి, కాచిగూడ రైల్వేస్టేషన్లకు వెళ్లే ప్రయాణికులు ముందుగానే బయలుదేరాలని సూచన.

• ఎయిర్‌పోర్టుకు వెళ్లే ప్రయాణికులు ప్రయాణ సమయాన్ని ముందుగానే ప్లాన్ చేసుకోవాలని సూచన.

ఈ వార్తలు కూడా చదవండి..

మేడిగడ్డను సందర్శించిన మహారాష్ట్ర సీఎస్‌

డీఎస్‌వో శ్రీకాంత్‌రెడ్డికి 14 రోజుల రిమాండ్‌

For More TG News And Telugu News