రెండు చక్రాలపై ఆటో డ్రైవర్ ప్రమాదకర స్టంట్..

హైదరాబాద్‌, సెప్టెంబర్ 3: నగరంలోని గుడిమల్కాపూర్ పోలీస్ స్టేషన్ పరిధిలో అర్ధరాత్రి గంజాయి మత్తులో ఓ ఆటో డ్రైవర్ హల్‌చల్ చేశాడు. గంజాయి సేవించి నిర్లక్ష్యంగా ఆటో నడుపుతూ రోడ్డుపై ప్రమాదకరంగా స్టంట్లు చేశాడు. మెహదీపట్నం-రెతిబౌలి మార్గంలోని పిల్లర్ నంబర్ 41 సమీపంలో ఈ ఘటన జరిగింది. ఆటోను రెండు చక్రాలపై నడుపుతూ డ్రైవర్ స్టంట్ చేయడంతో రోడ్డుపై వెళ్తున్న వాహనదారులు ఆందోళనకు గురయ్యారు.

అదే సమయంలో బైక్‌పై వెళ్తున్న ఓ వ్యక్తికి ఈ ప్రమాదకర స్టంట్ కారణంగా త్రుటిలో ప్రమాదం తప్పింది. దీంతో అప్రమత్తమైన బైక్ రైడర్ ఆటోను అడ్డగించి డ్రైవర్‌ను పట్టుకున్నాడు. అనంతరం ఆటో డ్రైవర్‌ను వీడియో తీసిన బైక్ రైడర్.. ఘటనకు సంబంధించిన వీడియోను సోషల్ మీడియాలో పోస్టు చేశాడు. ప్రస్తుతం ఈ వీడియో సోషల్ మీడియాలో వైరల్‌గా మారింది.

ఇవి కూడా చదవండి...

స్నేహితులే కిడ్నాపర్లు.. నాని క్రికెట్ ప్రిడిక్షన్ యాప్ నిర్వాహకుడికి విముక్తి

గంజాయి డాన్ నీతు భాయ్ ఇంట్లో ఈడీ సోదాలు

Read Latest Telangana News And Telugu News