స్నానం చేయమన్నందుకు మనస్తాపం.. బావిలో దూకిన బాలిక

ఇంటర్నెట్ డెస్క్: ఆసిఫాబాద్‌లో ఓ బాలిక ఆవేశంలో తీసుకున్న నిర్ణయం కలకలం రేపింది. కుటుంబ సభ్యులు స్నానం చేయమని మందలించడంతో మనస్తాపానికి గురైన బాలిక బావిలో దూకి ఆత్మహత్యాయత్నానికి పాల్పడింది. అయితే స్థానికులు వెంటనే స్పందించడంతో ప్రమాదం తప్పింది.

పోలీసులు తెలిపిన వివరాల ప్రకారం.. ఆసిఫాబాద్ పట్టణంలోని సందీప్‌నగర్‌కు చెందిన ఓ ఇంటర్ విద్యార్థిని బుధవారం ఇంట్లో జరిగిన చిన్న విషయంపై తీవ్రంగా బాధపడింది. కుటుంబ సభ్యులు స్నానం చేయాలని చెప్పడంతో ఆవేశానికి లోనై సమీపంలోని బావి వద్దకు వెళ్లి అందులోకి దూకింది. బావిలో పడిన తర్వాత బాలిక సహాయం కోసం కేకలు వేయడంతో అక్కడి ప్రజలు గమనించారు. వెంటనే అత్యవసర సేవలకు సమాచారం అందించారు.

సమాచారం అందుకున్న పోలీసులు, అగ్నిమాపక సిబ్బంది సంఘటనా స్థలానికి చేరుకుని రక్షణ చర్యలు చేపట్టారు. అగ్నిమాపక సిబ్బంది తాళ్లు, భద్రతా పరికరాల సహాయంతో బావిలోకి దిగి బాలికను సురక్షితంగా బయటకు తీశారు. ఈ ఘటనలో ఆమె కాలికి స్వల్ప గాయాలు కావడంతో సమీప ప్రభుత్వ ఆసుపత్రికి తరలించి చికిత్స అందించారు. సమయానికి స్థానికులు స్పందించడంతో పెద్ద ప్రమాదం తప్పిందని అధికారులు తెలిపారు.

ఈ వార్తలు కూడా చదవండి..

నిప్పుల కొలిమి..

వెట్టి నుంచి 500 మందికి విముక్తి

For More TG News And Telugu News