షాకింగ్.. పామును తింటున్న జింక.. ఆశ్చర్యకర కారణం ఏంటంటే..

సాధారణంగా జింకలు పూర్తిగా శాకాహార జంతువులు. గడ్డి, ఆకులు తప్ప మాంసాహారం జోలికి వెళ్లవు. అయితే ప్రస్తుతం సోషల్ మీడియాలో వైరల్ అవుతున్న ఓ వీడియోలో జింక ఒక పామును నములుతూ కనిపించడం అందరినీ ఆశ్చర్యానికి గురిచేసింది. ఈ వీడియో చూసిన పలువురు.. 'ప్రకృతి ఆహార గొలుసు మారుతోందా?' అంటూ కామెంట్లు చేశారు (Deer eating snake).

ఇతర చిన్న జంతువులను జింకలు తినడం గురించి జంతు శాస్త్ర నిపుణులు ఆశ్చర్యకర విషయాలు వెల్లడించారు. జింకల శరీరంలో కాల్షియం, ఫాస్ఫరస్ లేదా ఇతర అవసరమైన ఖనిజాల లోపం ఉన్నప్పుడు అవి తరచుగా ఇలాంటి అసాధారణ ఆహారాన్ని స్వీకరిస్తాయి. ముఖ్యంగా వాటి కొమ్ములు పెరుగుతున్నప్పుడు లేదా ఆడ జింక గర్భవతిగా ఉన్నప్పుడు, వాటికి ఎక్కువ పోషణ అవసరం అవుతుంది. అటువంటి పరిస్థితులలో, అవి తమ శారీరక అవసరాలను తీర్చుకోవడానికి ఎముకలను లేదా చనిపోయిన జంతువులను తింటాయి (Deer snake viral video).

మిగతా జంతువులు, మనుషుల్లాగానే జింకలు కూడా అవకాశవాదులే (Deer unusual behaviour). వాటికి ఒక చిన్న జీవి, గుడ్డు లేదా పక్షి సులభంగా దొరికితే, దాన్ని తినడానికి అవి ఏమాత్రం సంకోచించవు. మన పాఠ్యపుస్తకాల నిర్వచనాల కంటే అడవి నియమాలు చాలా సంక్లిష్టంగా ఉంటాయని ఈ సంఘటన మనకు బోధిస్తుంది. ఆహారం అవసరమైనప్పుడు జీవులు తమ ప్రాథమిక అలవాట్లను అధిగమించగలవని ఈ వీడియో మనకు స్పష్టంగా చూపిస్తోంది.

ఇవి కూడా చదవండి..

అదృశ్యమైన పాకిస్థాన్ కార్గో విమానం.. అరేబియా సముద్రం‌లో గాలింపు..

స్వల్పంగా తగ్గిన బంగారం ధరలు.. ప్రస్తుతం ఎలా ఉన్నాయంటే..