రాష్ట్రీయ భవన్‌లో విద్యార్థులతో మమేకమైన రాష్ట్రపతి ద్రౌపది ముర్ము

ఢిల్లీ, నవంబర్ 14: దేశవ్యాప్తంగా ఘనంగా బాలల దినోత్సవం (నవంబర్ 14) జరుపుకుంటున్నవేళ రాష్ట్రపతి ద్రౌపది ముర్ము రాష్ట్రీయ భవన్ కల్చరల్ సెంటర్‌లో వివిధ పాఠశాలలు, సంస్థలకు చెందిన విద్యార్థులతో మమేకమయ్యారు. పిల్లలను ఆప్యాయంగా పలకరించిన ఆమె.. విద్యార్థులు తమ కలలను సాకారం చేసుకునేందుకు అంకితభావం, నిబద్ధత, కృషితో ముందుకు సాగాలని పిలుపునిచ్చారు.

బాలల దినోత్సవాన్ని పురస్కరించుకుని కేంద్ర విదేశీ వ్యవహారాల శాఖ సహాయ మంత్రి కీర్తి వర్ధన్ సింగ్ దేశంలోని యువతకు శుభాకాంక్షలు తెలిపారు. మన పిల్లలే భవిష్యత్ 'వికసిత్ భారత్' నిర్మాతలని ఆయన అభివర్ణించారు. పిల్లల్లో జిజ్ఞాసను పెంపొందించడం, నాణ్యమైన విద్యను అందించడం, వారు పెద్ద కలలు కనేలా ప్రతి ఒక్క అవకాశాన్ని కల్పించడానికి తమ ప్రభుత్వం కట్టుబడి ఉందని ఎక్స్ (X) వేదికగా పేర్కొన్నారు. (Children's Day President Murmu)

బాలల దినోత్సవ ప్రాముఖ్యత, జవహర్‌లాల్ నెహ్రూ జన్మదినం

భారతదేశ మొదటి ప్రధాని పండిట్ జవహర్‌లాల్ నెహ్రూ జన్మదినాన్ని పురస్కరించుకుని ప్రతి ఏటా నవంబర్ 14న దేశవ్యాప్తంగా 'బాలల దినోత్సవం' (Bal Diwas) జరుపుకుంటారు.

పిల్లలంటే నెహ్రూకు ఉండే అమితమైన ప్రేమ కారణంగా ఆయనను అందరూ ప్రేమగా 'చాచా నెహ్రూ' అని పిలిచేవారు. నవంబర్ 14, 1889న ఉత్తరప్రదేశ్‌లోని ప్రయాగ్‌రాజ్‌లో జన్మించిన ఆయన, స్వాతంత్ర్య పోరాటంలో కీలక పాత్ర పోషించి ఆగస్టు 15, 1947న దేశ మొదటి ప్రధానిగా బాధ్యతలు చేపట్టారు. మే 27, 1964లో ఆయన తుదిశ్వాస విడిచారు.

ఐక్యరాజ్యసమితి 1954లో నవంబర్ 20వ తేదీని 'యూనివర్సల్ చిల్డ్రన్స్ డే'గా ప్రకటించింది. 1956 వరకు భారతదేశంలోనూ ఆ తేదీనే బాలల దినోత్సవంగా జరుపుకునేవారు. అయితే, ప్రధాని నెహ్రూ మరణం తర్వాత (1964లో) ఆయన జన్మదినమైన నవంబర్ 14నే జాతీయ బాలల దినోత్సవంగా జరుపుకోవాలని పార్లమెంటులో ఏకగ్రీవంగా తీర్మానం చేశారు. ఈ రోజున దేశవ్యాప్తంగా పాఠశాలల్లో విద్యార్థుల కోసం వివిధ పోటీలు, ఆటల కార్యక్రమాలను నిర్వహిస్తుంటారు.

ఐక్యరాజ్యసమితి 1954లో నవంబర్ 20వ తేదీని 'యూనివర్సల్ చిల్డ్రన్స్ డే'గా ప్రకటించింది. 1956 వరకు భారతదేశంలోనూ ఆ తేదీనే బాలల దినోత్సవంగా జరుపుకునేవారు. అయితే, ప్రధాని నెహ్రూ మరణం తర్వాత (1964లో) ఆయన జన్మదినమైన నవంబర్ 14నే జాతీయ బాలల దినోత్సవంగా జరుపుకోవాలని పార్లమెంటులో ఏకగ్రీవంగా తీర్మానం చేశారు. ఈ రోజున దేశవ్యాప్తంగా పాఠశాలల్లో విద్యార్థుల కోసం వివిధ పోటీలు, ఆటల కార్యక్రమాలను నిర్వహిస్తుంటారు.

ఈ వార్తలనూ చదవండి:

జెన్సన్ హువాంగ్ రీఎంట్రీకి ప్రయత్నాలు.. మద్దతుగా మస్క్

ఎయిర్ ట్రాఫిక్ వ్యవస్థలో కమ్యూనికేషన్ సమస్య.. అమెరికాలో విమాన సేవల నిలిపివేత..